寫寫吓先發現原來我未post我結婚前忙到甩碌既一日!!! 好啦, 帶大家睇吓忙到甩碌的一日!!!
朝早去完Wedding whisper攞衫之後, 就去酒店check in!! 嘩, 我每次check in 都係在lobby, 但唔知係咪住suite既關係, check in係在1樓個club intercontinental度座低慢慢check!!! 無聊時, 影張snap先啦!!!
我book個間係harbour view suite, 初頭酒店俾我果間suite同我之前見果間唔同, 雖然新裝修modern啲, 但房size細好多, 於是我就搵番follow up我既sale 要求轉番我之前睇既果種suite!!!好彩, 仲有房, 間房真係大好多架, 咁樣先叫一廳一房架嗎!!
check in之後, 就返屋企搬行李啦. OMG, 居然有6個luggage+2大箱+一袋二袋, 仲勁過搬屋!!! Load到的士都滿呀!!!
返酒店放低行李之後, 就去埋Wendy Tong' s Bridal Salon度攞衫!!!估唔到, 去到既時候, Wendy叫我全部再試多一次, 睇吓有無甩漏, 佢真係跟得好足, 十個讚呀!!!
果日真係要多謝我既近身妹仔(maid of honor) Wendy 陪足我一日, 呢度去, 果度去, 出心又出力!xoxo!!!
攪掂之後, 時間已經係6:30PM, 於是就去秋子花藝攞花, 跟住就返屋企食飯, 準備晚上簡單而隆重既上頭儀式!
嘩, 一開門, 見到屋內好多人, 係極之多人, 大陸嚟既親戚, 大約有成22人, 從來都未試過間屋有咁多人!!! 最勁係屋企既工人可以handle到22人既dinner及night snack!!!
開始上頭儀式啦!!!! 負責幫我上頭既係我堂大家姐!!! 佢都係第一次幫人上頭, 哈哈哈, 佢就打電話問上頭儀式!!!
哈哈哈, 最攪笑係一開個套上頭嘢, 個塊鏡背面張相超正!!!!!忍唔住要影呀!!!
上完頭, 當然要同媽咪, 貓貓糖糖, 細佬及細妹影番張相啦.
本來整完晒既時候只不過係11pm, 但因為要等對龍鳳燭燒完, 最後攪到成12am先走人返酒店!!!! 就係咁完成我婚前最後一日!!
