大家估吓呢個咁靚既紫色東西係咩嘢啦,,,,(估中無獎)
開估啦!!!!呢個就係我其中一個姊妹Cally 100%DIY整給我的gift box, 專係用嚟放人情或心意card!
係半年前試姊妹裙時, 我無意中話我諗住自己整番個好似外國啲婚禮咁整個gift box放人情, 而我自己手工方面就普普通通, 係我煩惱之時, Cally就話幫我整!!! 而其間就一直沒有見過個gift box, 我只係知道係紫色.
嘩, 但當我結婚個早上見到, 我真係無話可說, 因為實在係太靚啦!!!!靚到"dum"一聲!!! 而我係當日早上先知, 原來前一晚, 佢唔小心整爛咗個蓋頂, 所以要重新整過, 最後攪到4am, Cally連瞓都無得瞓!!!!
真係多謝晒Cally呀, 你個gift box令到banquet張reception檯靚好多, 絕對係highlight, 同埋真係好靚, 好精緻呀!!!每個朋友知道原來係100% handmade時, 都個個讚!!!!
多謝Cally!!!!我同謝菲係超鐘意你呢份DIY!!!!
