千呼萬喚既m&m小禮物終於大功告成!!!
經由我既靚靚伴娘Wendy由new york空運到港, 分別係一包5lbs及4包7oz.
打開後, 見到真身, 好靚呀, 真係急不及待要試吓裝佢地入樽.
原先所選既較大size玻璃小樽無貨, 所以要改用另一款及size既小樽. 因為要洗吓啲樽, 又要等佢地乾, 所以 要分三晚先可以入完200個.
因為Luva Production個邊送咗啲thank you card, 所以我就諗住將兩者結合. 試整咗幾樽後, 嘩原來仲要用好多時間先掂, 要搵幫手先得!
所以星期二就call咗兩位姊妹上嚟開工, 人齊做工廠女工!!! 你睇我地幾專心, 一個負責係thank you card打蝴蝶孔及剪刀cut繩, 另兩個就負責綁繩串card. 前後用咗約4hrs搞掂200樽.
好啦, 隆重介紹, 呢個就係我同謝菲既m&m回禮小禮物!!!
