第二輯pre-wedding 就係搵Luva Production, 個日朝早先係studio影咗2hrs, 之後就出發去外景!!!
第一站係大潭水壩, 今次係我地第一次去呢度, 之前連大潭水壩係邊都唔知! 不過去到水壩後, 原來呢到真係幾靚, 而個日天氣都幾熱, 又有蚊咬, 影咗一陣就next station啦!
第二站就係石澳, 嘩...呢度粗略估計都起碼有20多pair 新人係度影相, 真係影相都要排隊, 係石澳個石山影相, 比我心目中辛苦, 因為行(爬)個啲凹凸不平既石已經唔係容易, 仲要著住件婚紗, 好彩個日我係著波鞋, 但當日所見, 我見到唔少新娘係著高踭鞋係個凹凸不平既石山行來行去, 真係佩服!!!
第三站就係中環夜景, 影到呢個時候, 其實個人已經無咩電, 加上謝菲個日忘記著對高筒襪, 所以對鞋好刮腳, 搞到佢都開始有啲發皮4, 好彩, 最後影出嚟啲相都好靚, 當日除咗早上食咗個早餐後, 之後係石澳篤咗2串嘢食之後, 就一直都無食嘢, 最正係搞掂晒後, 回到家已經差不多11pm, 就立即去打邊爐, hahaha!!!
