仲有3個多月就到大日子, 都係時間買結婚介指啦! 所以星期日就同謝菲出動去九龍灣德褔, 希望今日可以攪掂呢樣嘢.
其實係六月份既時候, 我地已經係PN到睇中咗一對介指, 但係一來當時仲有時間慢慢揀, 二來當時諗住買PT料, 所以價錢好貴, 於是乎就諗吓先. 一拖就拖到八月尾. 今日就出去其他鋪頭睇吓除咗PN仲有無選擇, 因為好多人話PN款得料唔得.
因為我手指又短又粗, 其實都幾難揀介指, 而謝菲要求男裝個隻唔要有鑽石同想粗身啲, 而我個隻就想要鑽石, 所以完來係好難買結婚介指!
A) 六褔
六褔其實啲介指價錢都幾底買, 有一排石都係$2500-$3500, 但係男裝唔要有石既款就非常普通, 唔知係咪心理作用, 帶上心有啲"un"手指, 可能係啲介指比較厚身. 揀來揀去都只係免強揀到一對, 但好像無"ding"一聲既感覺.
B) 周生生
入到去想話要啲男裝無石, 女裝有石既結婚介指, 佢地已經話無, 一係就兩隻同時有石, 一係就兩隻同時無石. 算啦, 入到去都睇吓啦!! 老實講啲款真係唔多, 同埋款式好普通, 仲好似衰過六褔, 真係揀唔落手, 算吧啦!!!
C) 周大褔
我以為周生生已經差架啦, 周大褔仲衰, 之前好多人都話周大褔及周生生啲結婚介指唔掂, 今日真係見識過, 佢有啲款仲好似我媽咪個年代啲款咁, sorry, not my cup of tea!!! 不過, 佢現在仲有keep住呢啲款, 就自然有佢既market.
D) PN
既然試咗睇咗咁多間都無心水, 註定要去番PN架啦. 點知, 佢間店所有結婚介指攞曬去灣仔既婚紗展, 如果要睇就要去灣仔或者過兩日再來, ai~~~~~本來想今日KO呢個items, 但係註定要我等多一個星期!!!
就係呢對結婚介指啦, 佢係今年既款式, 我相信唔少朋友都可能揀咗呢對!!!
