由 ckpnyyy509 於 2014-01-16 21:09:31 發表 | 累積瀏覽 427
好開心呢 又可以同大家繼續分享我既遊記啦 ~~ Hahaha
原來已經過左四個月...
依家先打緊第二日 我諗依排要密密打
希望新年可以完左個遊記佢XDD
♥ 2013 韓 .首爾瘋狂之旅 . Day 2 (上) ♥
2013.9.1 - 2013.9.7
酒店 -> 早餐 -> 惠化: 梨花壁畫村 -> 午餐: 春川炒辣雞 -> 梨大血併 -> 晚餐 -> 酒店
我地今日主要係去梨花壁畫村呢~~
去梨花壁畫村之前 就o係酒店附近既一間coffee shop食個早餐先
韓國朋友仔推介依間野比我地架
依間分店既環境好唔錯呢~
原本想食完野黎依個corner度影下相~
點知食食下有其他食客呢~所以影唔到
一人叫一杯野飲 再叫左兩個多士share食 ^-^
依杯係我架~ 我叫左凍朱古力飲~
去旅行既時候~ 明明好普通既一杯朱古力~ 都會變得好美好~
同行朋友仔叫左熱朱古力
叫左兩個唔同口味既多士share
依個係同沉日食o個個一樣口味~ 都好好食呀 !!
而另一個就比較特別~ 不過我唔記得左係咩口味 T_T
我發覺我唔係寫遊記既材料XDD 咩野都唔記得呢~
我地揀既位 影相都幾唔錯 ^-^
A nice breakfast ~
Total食左20100W (HK 143)
之後某一日都有黎返依度食早餐 買野飲
下次去韓國 我諗我都會再去依間coffee shop呢 :)
食完甜食~有小小想食下咸野~
依間小店係o係coffee shop格離架渣~
依間串燒真係超級好味!!!!!!!!!! 我真係好掛住o個種味道~
串燒燒好後~會加上唔同既醬料~
就係前面o個四盤~ 有辣同唔辣~ 仲有一隻係bbq味~
bbq味都有小小辣 好惹味架~ 我至愛就係bbq味 ^-^
另外最左手邊有一支野~~大家見唔見到呢?
o個支野係芝士黎架~~~~ 醬料加芝士真係好好味架
可惜我原來冇單獨影到佢 !!
真係食飽飽之後 就去梨花壁畫村啦
於回基站(K118)乘一號線(往仁川方向)於東大門站(128)轉乘四號線(往堂嶺方向)到達惠化站(420)
o係地鐵站見到我心愛既2AM呢 ^-^ 心情大好
車程大約20分鐘左右
「二號出口沿馬羅尼矣公園旁的小路前行
到了盡頭是個十字路口
見到警察局繼續上行會開始見到壁畫
面向駱山公園入口的右方便是路上藝術館 」
好鍾意右手邊d樹~四四方方咁~好得意
行緊去壁畫村已經覺得周圍既景色好靚~~
依間餐廳外型好靚呢~~好鍾意 ^-^
依隻貓仔好熟口熟面~
開始有壁畫啦~~~ 見到咁色彩繽紛既牆已經好開心呢^-^
因為有太多相啦~所以下回先繼續分享 :) 期待一下吧
