好高興呀！！！
我訂左成4個月嘅呢個煲終於到我手喇！
呢個煲係我新年前一次個買左2個，一隻紅，一隻綠，不過因為嗰陣綠色無貨，我又淨係想要呢隻色，所以咪等囉。（請睇返我之前關於Staub鑄鐵鑊嘅blog，有好詳細關於佢同Le Creuset嘅分析㗎！）Staub真係好好用，燘嘢好入味，煎嘢又好香，愛不惜手！紅色嗰個係平鑊，for煎嘢多啲，有蜂巢鍋底，我覺得用起嚟無咁黐底（不過綠色呢個就無蜂巢底，但係佢就可以用嚟燘嘢同煲湯！）又，紅色雖然係平鑊形，但係個size都夠我燘十幾個人份量嘅豬手，因為佢個鑊蓋夠重，燘食物嘅水差唔多去到鑊邊都唔怕佢會滾瀉，真係好放心唔睇火行開，哈哈！（kidding ;p）即是話你唔駛特登去預多好多水去燘嘢或者煲湯，佢因熱力而揮發嘅水份比起普通煲真係少好多！而且鑊蓋夠重，完全能夠鎖住食物嘅味道，同埋營養！仲有鑊蓋特別嘅珠珠設計等啲倒汗水會自動循環返，唔會開蓋時一泡水。所以，STAUB真係好好用，我真係要推介俾要買煲嘅朋友仔呀：D
感謝 MavisT.C. 提供以上資料
MavisT.C.的網誌:http://www.mavistc.blogspot.hk/
