2009-1-3
Day 3: 淺草>>台場>>上野
▼ 今日早左起身同冇食早餐, 第一站就去淺草雷門
▼ 好多人, 好有新年氣紛
▼ 好肚餓, 即買d人型燒先~
▼ 再係果度d大排檔食小丸子, 牛串燒同炒麵, 黎個大排檔d野一d都唔平呀, 好似我地香港年宵市場裡面d小食店咁, 哩餐成1500 Yen 呢...............冇計, 查爸見人食自己又想食........嘻嘻~
▼ 食飽飽之後就四圍再行下
▼ Woo~ 新年版Monchichi, 送比所有鍾意Monchichi既你
▼ 我地行完淺草都只係11點零, 我地plan 左坐船去台場, 但書寫1:55先有船, 我地見個碼頭咁近, 就去撞下會唔會有船啦, 點知我地好好彩, 有船, 我地仲係最後果兩個, 真係時間啱啱好, 唔遲又唔早~
▼ 東京地鐵塔丫....
▼ 原來去到一大半要轉船........轉我後面果隻?? 嘻嘻~
▼隻船係觀光船, 可以坐出去
▼ 彩紅橋呀~
▼ 到左台場啦~
▼ 之前都黎過台場, 但冇見過有筋肉雷台喎, 我地睇左人玩好耐呀, 其實真係好難玩
▼ 是日午餐, 又係拉麵, 正!
本來諗住好浪漫咁係台場睇日落同玩摩天輪, 但係實在太早, 唔想徙左d時間, 於是決定到上野買手信~
▼ 第一次食百果園, d 士多啤梨真係好甜丫~正!正!正!正!正!
▼ 查爸又食, 人型燒~正!
上野果然係買手信既好地方, 一次過可以搞掂晒d手信, 唔洗四圍搵~ 之後我地一秋二lung, 梗係返屋企抖抖啦~
▼ 抖完又再出新宿食飯, 去左食天婦羅, 超好食丫, 係阿女介紹, 係成幢Beams 對面, 好易搵
▼ 又好食, 又唔貴~ 正!正!正!正!正!正!
之後我地又係新宿遊蕩, 等無咁飽再去食鳥良~ shit, 點知我地去到佢話仲有半個鐘last oder, shit~ 9點半jar wor!!
▼ 有點失望之下, 同查爸事但係附近搵左間居酒屋, 點知仲衰, 佢間野話明食地雞, 點知叫雞冇雞, 叫乜冇乜.......
▼ 好彩都仲有串燒雞亦~
幾碟串燒加兩杯果汁又2千幾Yen 啦~有d唔抵囉!!!
感謝 查媽美子 提供以上資料
查媽美子的網誌:http://littlemaychi.blogspot.hk/
