14 FEBRUARY 2014(FRI)
同大肥豬都達成左共式，都唔會點送禮物俾對方，因為我覺得唔需要為某啲節日嚟諗送禮嘛！
不過，今年大肥豬同小小豬就俾左一個大驚喜我，就係送左一部我好想要但又考慮左嘅導入導出美容機呀~
其實今年係十九年先一次嘅中西方情人節，理應係要去慶祝一番。不過，就係因為中方情人節就係奶奶生日，所以我地嘅雙料情人情嘅慶祝活動就係同奶奶一家去食生日飯。
雖然係平淡左啲啲，不過唔緊要，只要大肥豬同小小豬係我身邊，就算做乜都係一樣咁開心。
原先都以為係平淡中渡過，不過原來驚喜在後頭。因為返到屋企，小小豬就拎左我超想要嘅禮物出嚟送俾我，真係超級驚喜...十級興奮呀~
其實好早之前，我都已經好想買導入導出美容機，但怕自己冇咁嘅恆心，買左返嚟之後唔用就好浪費，所以成日都係得個諗字。
唔知係唔係我成日煩到大肥豬，所以大肥豬話剛好佢又有朋友去日本旅行，所以託朋友買一部返嚟送俾我啦！
由於係日本版，所以大肥豬仲配埋個轉插頭俾我，等我可以即刻有得用呀~
哈哈哈...為左報答大肥豬依番心思，所以我會好有恆心咁日日都做美容機先得！
