當我知道同事未過試用期，選擇離開公司。係佢離開以前個晚上司打訊息俾我，叫我第二日朝早入上司間房搵佢，話有野同我講，我當時都唔知發生咩事，後尾先知道原來講緊關於好快離開既同事既野，同事咩都同佢講返一餐。我終於明白，我諗都無諗過原來同事由始到終都係講左好多針對我既每句說話，同事死都係話我無教佢，連佢覺得佢自己無錯，錯既係我，其實好明顯係佢好小氣，一直妒忌我，佢自己連工作都做得唔好，既要扭曲事實又要抵賴我。甚至連上司都覺得佢無得救，本來諗住唔用佢，點知同事早一步就將辭職信俾上司。上司收到辭職信之後，同事竟然寫炒公司魷魚，令上司憎上加憎，好討厭同事既性格。
我當初唔覺佢咁衰，一路以黎都係對我唔差，而且連聖誕禮物都有送俾我，而家我終於睇清楚佢既真面目，好一個同事果然識做戲，又講大話，估唔到佢係極品之中既衰人，雖然佢既年紀大過我好多好多，但佢既所作所為真係好離譜，唔值得我地尊重，佢一路以黎話佢自己覺得做野好認真，絕對無錯，抵賴我地有錯，佢要咁諗我地都無辦法，我地控制唔到佢點諗。再講佢自己明知記性唔好，又唔用腦諗辦法，我地一直都有幫佢，有教佢，雖然佢肯做，但無效果，反而增加我地既負擔，拾佢手尾拾到死咁濟，所以搞到而家我病左，咁耐都未好返。
同事離開公司之後，其實我唔係第一次見到同事離開，反而走一個就黎一個見得多，唔需要大驚小怪，因為我知道係世上仲有好多各有唔同識「走精面」、「花瓶」、「篤背脊」等等既同事，所以我無可能可以將同事成為我真正既知心朋友。做野個時，唔可以過份感情用事，應該要理性d，無論新同事也好，舊同事也好，我更加會要小心，保護自己，去做應該我做既內份事。雖然工作會遇上唔同既人，但只要經一智長一智，邊個真邊個假，我心裡有分數，正係所謂「來說是非者，便是是非人」。清者自清，問心無愧，唔會介懷。
唉......我覺得同事好可憐，點解要咁衰？唔知佢幾時識醒? 希望佢好好反省自己既問題啦!
鐘意SeeWide的分享，給我們一個Like吧！
-
-
-
- 攻略日期：N/A
- 攻略地點：N/A
-
- 攻略時間：N/A
- 是次消費：N/A
-
