最近，工作真係好忙，除左要兼顧我既公司之外，仲有要忙緊公司開新鋪既野，工作比初初入職個時忙左好多，我都好明白到，越有經驗越有機會慢慢提升下自己，唔可以繼續原地踏步，我知公司比機會我學到好多野，所以我會好好珍惜學習每一個唔同既工作機會。
我要做既係設計新鋪既商標同埋宣傳單張，公司連鋪名都好早諗好左，我設計左6個唔同ideas既商標，仲諗左兩個唔同風格既宣傳單張，用左五日終於完成左設計，真係用左我好多腦力。初初未有靈感諗到，諗下諗下都好快搞到我個腦爆晒，結果令到我個頭都好痛，精神緊張令到我既腸胃唔舒服，就係咁走去飲水慢慢提神下，之後再繼續做落去。不過，到最後公司都揀好左一個商標同埋宣傳單張，令到我可以放鬆晒，但係係商標同埋宣傳單張都要繼續改顏色，色彩既學問真係好大，唔係話襯咩色就襯咩色都得，最重要係配合鋪名，睇落去會比人覺得有感動、有感情、有感覺、有氣派、有氣質、有格調等等，顏色改到公司覺得滿意為止，而家剩餘既係要同印刷公司溝通有關宣傳單張既野，希望可以搞掂。
雖然我讀過設計，又做過設計既經驗，但經驗唔夠，認為設計係唔容易做，我會學習接受每個人唔同既批評，最重要係唔好怕失敗，要面皮厚問人意見，要知道設計係永遠有改善既空間，設計係會好大壓力，不過做完就會覺得滿足感，我覺得都好值得架﹗
