經理俾出糧我之後，就同我講叫我要俾心機工作，即係我既試用期過左啦﹗對我黎講算係好消息。
起7月2號開始入職，係荃灣做文員，呢間公司主要係經營容器出入口業務，雖然我同同事都係做文員，但係我地既職責係唔同，佢負責物流、檢測貨物、聽電話等等，而我負責filing、入數、銀行入票、入信、設計、資料輸入等相關文職工作，當然除左我地做原來既工作之外，我地偶爾都會幫手處理容器，每個容器有佢地唔同既做法。我係公司學到唔同既工作，其實做文員經常接觸多數英文文件，而且我同同事既英文唔叻，不過經理好好，先會俾咁好機會我地學下，再講係一間好舒服既公司，經理同老闆唔會郁唔郁就鬧人，佢地係好講道理既人，我好多時候做野都係要主動，唔係係度等佢地叫我做完就俾佢地，佢地唔會咁做，所以我主動做完之後自然會交俾經理同老闆。
我唔止學到工作技巧，最緊要係經理之前同我傾過好多野，好多謝經理教我辦公室技巧，日後去邊間公司做野，對我既幫助好大，真係令我獲益良多。
自從上一個同事走左之後，經理將公司鎖匙交俾我負責開門同鎖門，仲有所有燈、冷氣等電制方面都係我負責開同熄，另外辦房又係我負責管理，有人話我好似做大總管喎﹗連我自己諗都無諗過，點都好，既然交俾我，我一定會好小心。
當然我覺得自己應該會有不足既地方，我都會繼續努力改善。
