感恩*^O^*教堂終於有著落

2月22號(星期六)係以馬內利浸信會可以申請既時候
佢地只接受9個月內既申請，而我地大婚日係11月22日
果日一朝早9點半我就打電話問可否申請借堂，好好彩佢地話可以申請
因為佢地個網得守則可以下載，而申請表冇放上網
要電話問左可以申請佢地先電郵比你，咁講完電話佢就電郵比我啦
但咁岩早一星期11月b2b Carlee可以申請以浸，咁我就叫佢電郵定比我先
等我可以一早填好哂所有資料，另外我亦準備好哂其他資料(如推薦信，受浸證明)
咁就叫男友跟手拎去以浸交資料，２個星期內回覆
佢又冇寫係咪先到先得，但我想早早搞掂埋先安落
Carlee佢就等左岩岩一個星期就有回覆，我仲以為今個星期六先知
點知過幾日(星期四)以浸已經回覆我地申請成功左！ＹＥＡＨ！！！

＂以馬內利＂繙出來就是神與我們同在，對！一路以黎籌備婚禮神都與我倆同在
雖然當中係有擔心，但都擔心唔到咁多，我地一路都有祈禱求神幫助我地
比我地有間合適既教堂舉行婚禮，當中亦可以宣揚主既信息
因我有好多親朋好友都未信主，希望透過我地婚禮讓佢地認識我倆所信既信仰

男友其實好想去浸會大學既大學浸信會行禮，佢係浸大畢業既
果度要浸大畢業生／大學浸信會會友／浸大職員才可以申請
同埋應該冇乜人爭，要申請一定可以申請到
但可惜要半年前（５月）先可以申請，我覺得太遲了
加上只可以坐２５０人，好似少左啲會逼啲

好彩男友都話要以浸，唔好等大學浸信會
呢２個星期內就會去交支票，正式落實！

下面個表係我由上年１０月，即係婚期前一年多開始搵教堂借堂資料做出黎既表
一路update自己邊啲教堂可以借，邊啲已經唔借得
因為有些教堂可以一年前申請，先到先得，要同人爭
有些至到婚前前３個月，但３個月太趕了
１１月我就開始問，問到２月，已經有９間唔可以申請
一係已經比人租左，一係就果日有活動唔租得，真係好灰架！

最終可以租到以浸真係感恩，因為呢間係我一開始就諗住要係度行禮既地方
我中一果陣黎過呢度觀禮（小學ｍｉｓｓ）我覺得呢度好靚，我就幻想我第時結婚都要係呢度
而好處係佢地址係幸福街，租用時間係２至５，婚禮開始時間係３點
加上我朝早出門時間係１１點，３點就唔會太趕，完左賓客又可以去酒樓（佐敦）
時間方面真係岩岩好！

下一步就要搵教堂佈置喇！