0

【素】得健康又美顏 ❤ 波羅密素食

Kami 於 2013-03-15 18:38:43 發表  |  累積瀏覽 712

分類:餐廳 其他 ;地區:銅鑼灣

近這幾年香港人非常注重飲食健康, 吃素食的熱潮有増無減''*
素食鋪越來越多, 而且食物已經有別於傳統素菜, 變得非常多元化!!!

早前來到位於銅鑼灣利舞台的【波羅密素食 】試新派素菜~

波羅密素食係以環保健康既理念, 精心巧製出健康又美味既多元化素食!!!
他們保留住傳統素菜的特色, 並糅合各國美食跟素菜融合, 創造出獨特的風格~

老闆娘仲話, 佢地食物方面一直堅持住【少油。少鹽。少糖】的健康原則''*
而且選用優質食材, 保証食得健康!!!


先來睇下有咩飲品先, 竟然飲品Menu 上都有好多特色飲品架~
原來食素唔一定淨係飲茶架!!!

上面的是熱羅漢果桂圓茶, 有助寧神及滋補~
味道唔會太甜, 清清地幾好味''*
下面的是柑桔芒果梳打, 十分消暑解渴~
味道岩岩好, 亦唔會太甜!!!

品嘗素菜宴前, 先試一下點心拼盤''*
包括: 春卷, 腐皮卷, 芝士牛肉卷

由於遲到的關係, 點心已經放涼了~
但依然吃到脆脆的皮及微暖的餡料!!


接著師傅示範怎樣做出【西檸千層】這道菜''*
先把乾腐皮放進高湯內浸濕, 然後包好成長條形, 再浸多次高湯~
完成後雖然風乾約2-3小時才可以拎去炸架!!

睇落都好似幾簡單咁, 返屋企都可以試下整WOR''


完成品出場啦!!!
睇落係唔係好似真既炸雞扒咁呢??!


外層炸到脆卜卜, 入面係一層一層既腐皮, 十分香口~
再配上西檸醬汁一齊食, 酸酸的非常醒胃啊!!

再來的是【串燒什錦】''*
估唔估到串燒入面有D 咩呢??
有紅蘿蔔, 雞肉, 牛肉, 冬菇, 龍蝦丸, 青椒及黃椒~
沙嗲味都幾好, 食物既口感同真既無異架!!!

同時間再試這個【咖哩蘿白魚蛋魷魚】
咖哩汁係由10多種印度香料製成的, 所以味道好香而甜架~
入面既魷魚係用蒟蒻整, 個樣同口感都同真既一樣!!

由於素食係不會用上五辛(蔥、蒜、韭、蕎及興渠) 來調味的~
但是單看外貌真的似模似樣, 連口感都一樣''*

話明糅合各國美食, 點少得香港人最喜歡食既日本菜!!
素鮑魚同平時食既鮑片刺生差不多, 清清甜甜的~
刺生方面分別係TORO 及吞拿魚, 很厚身, 仲可以點Wasabi 及刺生豉油一齊食''*

再食D 中式食物先''*
【椒鹽茶樹菇】熱辣辣新鮮炸好出來, 但係一D油膩都冇~
加上用椒鹽炸, 非常香口令人食唔停啊!!!

我地係酒樓成日食既【香脆乳豬件】哩度都有啊''*
賣相好似, 外脆內嫩, 雖然係麵筋, 但係味道超超超超似!!!

這裡連越南菜都有!!!
【越式粉卷】薄薄的粉皮包住不同的蔬菜絲~
十分清淡的一味''*


抖一抖再食過''*
先食一道【大蝦鮮果沙律】
D 新鮮水果黎中和一下先, 佢地仲係用韓國士多啤利架~~

【黃金甲鍋粑】下層米餅, 上層配上"肉碎"及芝士製成的!!!
咬落去卜卜脆, 岩哂我鐘意食脆口野既人啦~~

這個這個就是我地經常食既【蜜汁叉燒】
賣相同真正既叉燒係一模一樣架~

素叉燒大家一定食過, 佢地都係用麵根製成的~
這裡的蜜汁叉燒, 燶的部份係用上欖角, 令外表及口感都似足真正叉燒!!
而且師傅仲可以整到半肥瘦既質感!!!

如果唔話比我知係素叉燒, 我真係覺得自己食緊真叉燒啊~
哩個真係10粒星推介比大家, 一定要試!!!
我下次一定要外賣比屋企人試啊~~~

左面的是【鮮茄濃湯鮮竹卷】
濃濃的番茄味配上鮮竹卷~
幾特別既配搭, 入面包住紅蘿蔔絲及蔬菜絲~

右面的是【印式咖哩羊腩配薄餅】
羊腩係由冬菇"" 整碎再做成像羊腩般一絲絲的口感!!
但係就冇左羊既騷味, 有點點的感覺~~
而手製薄餅是馬來拉正宗的薄餅, 較厚身又唔油膩, 唔錯啊''*


食左咁多樣素菜, 都好似冇湯水既??!
老闆娘為我地預備左【懷舊碗仔翅】, 我想大家都喜歡吃的吧!!!
這簡直係我既至愛, 大家都見到十分足料啊~~

食到最後梗係有甜品先叫做完美啦~!!!
【椰汁咖央糕】係由班蘭葉加椰汁做成, 下面個層係大菜糕黎架~
以清新的味道作結啊''*

食完之後, 我地就走進廚房偷師!!!
睇下師傅點樣整【草莓醬排骨】
先將排骨炸至金黃, 再放入草莓及草莓醬汁炒一炒''*

完成品!! 士多啤梨配上用碎冬菇"" 整成既排骨''*
入面舊"" 係新鮮的蔗黎架, 整舊排骨都可以食落肚, 酸酸甜甜幾好味!!!

老闆娘仲特意為我地準備左佢地最受歡迎既私房菜菜式啊''*
由於私房菜需要3天前預定, 今次我地有眼福及口福啦~~

以上四款係最受客人歡迎既預定私房菜:
紫衣含香
波羅密一品齋
翡翠荷包
牛油果海鮮焗黃金盞

每道菜都係師傅精心設計及烹調, 除左好睇又好食啊~~
***
私房菜需31前預定, 只限銅鑼灣利舞台分店供應, 必需預定6位或12 ***

食左咁豐富既素菜, 少食素既我真係估唔到原來素食真係咁多元化~
而且素食係有好多好處架, 又健康又具有美容護膚功效~
仲可以降低膽固醇含量, 減少腎臟負擔''*
間唔中同屋企或朋友黎食下都唔錯!!

波羅密素食
銅鑼灣店: 銅鑼灣波斯富街99號利舞台廣場7B
尖沙咀店: 尖沙咀彌敦道180號寶華商業大廈2字樓

波羅密素食網頁:
http://www.paramita.com.hk

Facebook Page
http://www.facebook.com/paramitahk


♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

YblogtheZtyleBLFnBshe.comELLESinaUbeautyQoozaBlogspotBlogDB

Kami 嘉美 の 貪靚鬼愛分享


Promote Your Page Too
 

鐘意SeeWide的分享,給我們一個Like吧!
  • 攻略日期:N/A
    攻略地點:銅鑼灣
  • 攻略時間:N/A
    是次消費:N/A
0人比"掂"

最多能輸入300字

16
2014
230
2013
178
2012
316
2011
顯示更多

累積瀏覽 345772

全部攻略 740

全部回應 121