8 MARCH 2014(SAT)
今日小小豬又有一個小任務，就係變新小廚房，整個有機沙津啦~其實自上次參觀過有機農場之後，都愛上左食沙津菜，每次外出去餐廳食飯時，都一定要ORDER一份沙津菜。不過，一般嘅沙津菜嘅價格都比較貴，所以一碟細細嘅沙津菜都要幾十蚊，真係唔多抵呀！
就係依個時候，收到BK Milk靚女主編嘅邀請，試食由「親子王國環保教育基金」推行名為「伙伴倡自強社區協作計劃」之「餘樂植物工廠」嘅沙律菜~
好鐘意依個親子王國環保教育基金個公仔，好可愛呀~
其實依啲沙津菜係運用水耕種植技術，在室內無污染的環境控制下種植出新鮮的日本沙律菜，過程完全不會使用農藥，由播種至收成只需20天，由於不受風吹日晒嘅影響，所以更能確保質素，等我地可以食到新鮮同無污染嘅菜呀~
每杯沙津菜以無菌品質包裝，真係一打開就食得呀！一杯沙津菜二十蚊都唔洗，真係又平又簡單同方便~
一杯沙津菜內有四種唔同嘅菜種~
其實除左啲菜新鮮健康之外，餘樂植物工廠為親子王國環保教育基金旗下之社會企業，以推動環保及區內和諧共融為目標，植物工廠在經營水耕種植場之餘，亦不遺餘力舉辦講座，向家長、小孩及社區人士推廣綠色飲食，並協助區內有需要人士重投社會，以達致長幼共融的理念。
既然我有咁多靚靚沙津菜，咁我就買左啲蕃茄仔同芝麻醬，當然要同小小豬嚟個親子樂，一齊整沙津食啦~
依個小小豬整起上嚟又幾似模似樣哦~
每樣菜都落啲先~
加啲蕃茄仔~
最後加埋芝麻醬~
食得啦....睇吓小小豬食得幾滋味~
當然唔止小小豬要食，睇吓小小豬幾乖仔，餵大肥豬食呀~
沙津菜好味價格又唔貴，而且「餘樂植物工廠」以即訂即收割的方式售賣，由植物工廠所種植的室內無污染的各款沙律菜訂貨時間只需一星期，所以有機會都要訂返啲返嚟再食過呀！
題外話，順便幫自己賣廣告先，其實我都係BK Milk親子語其中一位Authors嚟呀 - KinseyMaMa，大家有時間都可以入嚟支持吓我呀：http://www.bkmilk.com.hk/?author=66
More information :
「餘樂植物工廠」除左有介紹之外，仲有訂購表格同參觀活動呀！
網址：http://www.baby-kingdom.org/FunnyHydroponicFactory/index.php
「BK Milk 」
網址：http://www.bkmilk.com.hk/index.php
FACEBOOK：https://www.facebook.com/bkmilkHK
