最近係公司都十分得閒....所以左搵搵, 右搵搵~
比我搵到一疊"膠底紙" (即係貼紙底, 可以印野係面既貼紙)
皆因我公司係做印刷既, 冇野多, 最多就係紙, 咩紙都有咁滯!!!
所以我得閒都係公司拎黎自己用~哈!!!
睇下哩堆野, 就係我今日係公司整既成果~~
![]( "IMG_0611")
你地估下有乜用??? (其實好簡單...一定估得中啦)
就係為左佢地....
我D Blog Card 啦!!!
![]( "IMG_0612")
印左百幾張, 但係Yahoo Blog轉版之後連link都改埋~
哩d 咭片費事哂既關係, 所以就用左d貼紙係公司印左新既Blog Link, 界好一條條!!!
因為唔想用手改既關係, 就諗左哩個辦法啦~~
為改變我Blog Card 既Yahoo Blog Link 而做好準備!!!
返到屋企就開始做女工啦~!! 黏黏貼貼左大約3,4個字, 就完成哂百幾張Blog Card 啦~
睇下我宜家既Blog Card~
![]( "IMG_0613")
睇下宜家係咪整齊d呢''*
雖然張貼紙係白色, 字係黑色, 不過總好過用手改呢!!!
♥~個人分享~♥
