我係瘡底肌膚﹐識我既人都知道﹐由剛開始寫blog "我的爛面日記" 寫到而家﹐我好開心自己塊面唔再爛﹐而家周不時都有朋友話我D皮膚好左好多﹗所以我非常之相信﹐用適合既護膚品/療程﹐係絕對可以戰勝命運﹗身邊既人不論係同事or朋友﹐我見到佢地有皮膚問題﹐都會將我寫blog試過做過既經驗分享出去。大概﹐真正分享最有力既始終都係用把口去講﹖點都好啦﹐而家老人家我既另一半皮膚確係幾差﹐如果10分is very差﹐老老實實我比佢8分。一聽到b.liv有抗痘產品試用招募﹐為左另一半我立即apply﹐好好彩咁beautylife比左呢個機會我﹐在此謝過﹗
今次抗痘系列分別有﹕
b.liv係一個美過品牌 made in singapore﹐之前就用過黑頭導出gel off with those heads﹐每次D產品D名都好搞笑。黑頭gel好好用﹐好有效﹗所以對於今次呢個抗痘系列﹐我都好有信心﹗
精華有15ml﹐用法似oxy個D咁直接點係患處。衛生方便既針形嘴﹐有效日期印係產品上。你見啦﹐個盒其實好大個﹐我係一定會丟掉架 =_=
適逢爆瘡﹐收到產品立即自己先試。份量唔洗用好多﹐cover到患處﹐再用手指頭輕輕力印開少許就夠。最好直接敷係患處﹗第二朝起身﹐粒瘡收左水﹐退左腫痛﹐但紅印仍在。因為趕時間出門口所以forgot影相﹗sorry﹗但呢個精華幾堅﹐堅得黎唔乾﹐唔似得oxy個D會痛﹐同埋乾到甩皮。主要成份為﹕水楊酸﹐乳酸﹐硫磺﹐係比果酸較溫和既酸﹐亦可以同時殺死細菌﹗呢個spots got shot我推介比簡唔中爆一粒兩粒既朋友﹐尤其係有膿發炎個種瘡最為適合﹗
洗面gel就無盒﹐日期一樣印係產品上。而家再望清楚D﹐原來b.liv呢個品牌係declare左no animal testing﹐立即加曬印象分﹗﹗
好喇﹐主角出場。其實佢D皮膚並唔係爆膿瘡個種﹐而係毛孔極之堵塞﹐偏油﹐所以一係唔爆﹐一爆必定係石頭瘡個種﹐十分之慘﹗呢隻洗面gel我覺得好適合佢﹗因為呢隻cleansing gel有水楊酸﹐可以推走D死皮令到皮膚更新週期快DD﹐希望男人佢keep住用可以疏通返個毛孔先啦。個洗面gel微微果香﹐舒服得黎男女都唔會抗拒陣味。
濕手﹐兩泵左右﹐打圈。泡唔多﹐正好比D敏感皮膚人士。同埋用gel洗面皮膚無咁乾。可能有朋友唔慣用無泡既潔面﹐但我用慣左﹐反而用唔返有泡既潔面﹗因為用後皮膚好爽零崩緊﹐而且清潔度都好唔錯﹗
最後要講既係面膜。一塊有26ml精華﹐份量屬於適中﹗
仲要有個嘜寫住14天無效推款﹗我相信境內有效既﹐但香港就無呢枝歌仔唱架喇。不過產品相信係皇牌中既XO﹐如果唔係唔會咁有自信啦﹗﹗
決定一人一塊順便小休片刻...咩都唔做訓係度先~主要成份有壬二醯二甘氨酸鉀﹐水楊酸﹐硫磺﹐都係控油﹐疏通毛孔同殺菌。建議一星期用2~3次﹐視乎皮膚status而定啦﹗
精華量多﹐張紙抓住D精華抓得唔錯。紙質亦屬於透簿貼面。剪裁都唔錯﹐最少我面細同面大之男友都一樣用得到。
敷大概20~30mins﹐敷到咁上下我仲用導入機幫男人導入﹐如圖﹐見到面膜D精華差唔多逼曬入面喇... 撕走立即自拍一張﹐而家先見到皮膚白左~ 意外收穫~~ 因為試得一塊面膜﹐唔可以同大家分享到實質有咩大改善。但可以comment既係﹐塊面膜雖然主打去痘控油﹐但敷完皮膚好水潤﹐唔講真係以為呢塊係保濕mask﹗唔錯﹐用後唔會甩皮﹗﹗
3件產品總聒黎講我都好滿意﹐急救者﹐必入精華﹔保養者﹐可入洗面gel同面膜。我而家比左枝gel男人﹐睇下佢用一排有咩comment先﹗﹗再同大家分享﹗﹗ヾ(＠°▽°＠)ﾉ 購入點﹕可網上www.bliv.com或到莎莎找找看﹗﹗
official: http://www.bliv.com
b.liv FB: https://www.facebook.com/blivbycellnique
sasa FB: https://www.facebook.com/sasahongkong
**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。
謝謝收看﹗路過的請LIKE一下給我少少的支持吧~>3<~
找我﹖ngayiellie@gmail.com
http://www.facebook.com/pages/Popcorn-express/560506497300434
