剛才洗不銹鋼篩時，慘劇發生了，我的手指尾最未端被篩底部凸出來尖利的地方成塊肉鏟左去。
呢個篩本來底部是平整的，當它裝著食物時放在臺上，篩內的東西會與臺面接觸到，因為廚房的水臺面好多時有水，及擺放過其它東西，我老公認為這樣不衛生，為了不讓篩內的食物與臺面接觸到，他居然鉆穿底部三個窿，讓它高出一點來，這樣就可以避免篩內的食物與臺面接觸。
當他拿著鉆了窿的篩來跟我講時，我見不鉆也鉆了就沒有出聲，如果未鉆的話我肯定鬧佢，唔準佢鉆的，因為個篩裝的東西肯定是生的，未煮的，而且水臺面的水是干凈的，唔係屎水，甘緊張做乜，再說，鉆了三個窿后高出來的那一點根本起不到什么作用。
呢只死佬從來都鐘意搞我的東西的，凡我的東西佢一定要搞一搞先安落的，而且還要好認真仔細的搞，除左搞我之外，搞我又唔見佢甘認真仔細堝。
當個篩鏟起我塊肉時，血流如注，搞左好耐先止左血。因為傷到的位置剛好的尾指的末端，是與琴鍵接觸的位置，依家彈唔到琴，本來是小事，但因為在七月份學期結束晚會上，我要同另一個人合奏一首樂曲，我們約好時間排練的，依家只手指甘樣肯定就練唔到，這會影響人家。
越諗越火滾，等唔及佢落班返黎鏟佢，馬上打通佢電話，鏟到佢只死佬頭毛都甩，啊，真係激到我呀！我話俾佢聽，我依家鏟你係“頭盤”，落班返黎再上“主菜”。
佢一世人就係呢樣野最乞我憎！！！無論我整乜野，佢一定要插只手埋黎整下架，好似唔整下唔足以说明佢係四肢健全，头脑清醒。
上次我學日本人腌“漬物”，叫住佢唔好搞我既，佢係都要偷偷加生抽落去，結果發霉，全部唔要得，甘樣佢就死死地氣，安安落落啦。
上次五姑娘来时，佢认为家里多了二个人，洗的衣服多了，凉衣服的绳不够，很多此一举的装多二条，结果我收衣服时因为不顺手，只好用力扯，令夹着衣服的夹弹出来，打中我的眼球，血在眼球里凝结，现在我只要食热气野，那一点就会充血，我只眼就好似有一粒沙甘样，好痛的。
要解决呢个问题必须要去医院叫医生挑穿它，将血放出来，我一谂到就怕，宁愿唔食热气野。
唉，點解會嫁到只甘既死佬！！！係咪我前世殺佢全家，佢今世黎揾我報仇？！
感謝 mooimeisje 提供以上資料
mooimeisje的網誌: http://blog.xuite.net/mooimeisje/hkblog
