我的老古懂唱機終于可以唱喇！
呢部野買時試聽系得架，唱到架。返到屋企我老公將部機拆開，成部清潔干凈。我滿心歡喜甘放唱片落去聽，聽聽下突然個轉盤唔轉。
我馬上傳喚我個私家修理工，老公拆開嚟檢查，發現轉臂接觸唔好，所以當將轉臂搭過轉盤時轉盤唔轉。我老公一輪搞作之后，個轉盤成功甘轉喇。
清理過之后部老爺機仲好靚，賣的人講，呢部野係七十年代出產的
仲可以拎住行出街扮下七十年代開私家party 帶唱機去朋友屋企果個款架。八十年代初期，廣州人租個場，然后帶部二個喇叭或四個喇叭的錄音機去開party，老土到暈，哈。
喇叭里面鋪落塵，要拆出嚟先可以清潔
到左第二日，部機唱唱下，突然斷斷續續甘樣，我用手搞左下個調大細聲的開關，佢又唱幾句，最后干脆無聲，嘩！當場急到我跳起，馬上打電話俾我老公：屎啦，我部機唱唔到，我依家聽唔到Julie，點辦？
我老公話：唔使屎住，我收工返嚟幫你整，你依家聽住CD先。
哦，一言驚醒夢中人，對，我仲有好多CD
拆開檢查，原來連接喇叭條線斷左，原因系接駁口老化，先用刀仔削去包住的膠，然后再悍接上喇叭。雖然唔係好復雜，但如果拎出去修理，我相信好貴，貴過買部機既錢，荷蘭鬼只手好值錢架，補個手指甲甘大既鞋底膠都收7.50歐元。呢部野仲要修二次，扔了算了。
搞掂，唱終又可以唱。當然要贊下我老公，學華仔話齋：今時今日呢種服務態度係啱既！
清潔干凈，修理好，個樣真係睇得下架，唔差架，有四十年歷史，味道十足
仲要係法國生產的。我老媽成日講一句話，我一直唔知係乜野意思：打劫紅毛鬼，進貢法蘭西。唔知邊位blog知呢？.
我老公話，四十年前的法國唱機聽四十年前的語法唱，猶如時空穿越回到當年，堪稱最完美的組合，嘩，聽得我幾高興啊！
呢張全部英文唱，好幾首歌係 七十年代“阿哥哥”風格的。
無線好多劇集每當講到七十年代時，都有一間涼茶鋪，里面一架大唱機，播著當時流行歌，就係 “阿哥哥”。
感謝 mooimeisje 提供以上資料
mooimeisje的網誌: http://blog.xuite.net/mooimeisje/hkblog
