幸得各位好姊妹記得夏沫生日, 專登約齊大家一齊享受一個休閒假日。
最開心係一個岩岩落機唔夠訓都有黎, 一個專登係上海飛返黎, 真係好開心~好開心~
我地定左係 W Hotel 試試佢個 High Tea ~
夏沫真係好享受同朋友一齊既時光~ 幾個女仔一齊講一齊笑~ 好快就過左個下午~
真係希望呢種日子, 可以"年年有今日"。
講下佢個 Tea Set $398 兩人份, 我地 6 個女仔, 都係叫左一份都食唔晒~ 好抵食啊~
不過部份女仔唔好甜, 都係自在聚聚舊~
睇左以上呢張相, 係咪即刻好肚餓呢? 哈哈~~
色彩好豐富~ 一定有一件岩您口味~
因為每樣只得兩件, 所以唔係件件都有試過~
夏沫選左件三文魚包住既, 幾好味啊~ 不過呢件竟然係得一件,
各位姊妹都冇得試~ 唔好意思囉~ 俾我食左~^^~
夏沫當然唔會放過朱古力個件啦, 好好好好味啊~ 入面既朱古力味好濃好香, 但又唔算甜啊~ 正~
我地另外又叫左 D 小食, 叫左 Mini Burgar 好得意啊~
夏沫唔係太鍾意佢包面上既果實, 好硬好難消化~ 唔喜歡~
薯條都幾好味, 有少少辣味, 可惜唔係好夠味, 多番少少 salt 會更加好~
