山西省八天之旅 (5 )

因為高海拔，所以都有積雪。

黎到【五臺山】入口，天色變回睛朗。

到咗景區內，先去食午飯，呢餐係齋宴，應吓景咁喇。


見仲未開餐，我就走番出去影吓相，呢個雪人係米好得意呢，灰色嘅。



Ｄ齋菜都唔錯，完全唔覺得係齋囉！


食飽飽離開飯店，就往參觀景點。



遠處嘅雪山。


參觀〝菩薩頂〞







以前僧侶煮齋菜嘅大鑊，而家用黎載人仔。










呢個石碑坊上嘅〝五臺聖境〞係康熙皇帝親筆題寫嘅。






〝菩薩頂〞係五臺山中條模最大嘅黃教寺院，創建於北魏孝文帝年間，曆代多次重修，明朝以後，蒙藏喇嘛教徒進駐五臺山，咁就成為五臺山之首；清朝嘅康熙、乾隆曾數次朝拜，住宿喺菩薩頂，跟住就賜佢大喇嘛提督印，仲要全省，包括山西巡撫、大同總兵、代州道臺等，都要向大喇嘛進貢。

呢一座係四柱三門，中間嵌有康熙手書〝靈峰勝境〞嘅木牌樓。






沿一百零八級石階上黎，按照佛家嘅講法，就係將人間嘅一百零八種煩惱踩喺腳下；我國以固嘅大將軍「陳毅」作咗首詩話〝本不游五臺，迂道時日緊，至今有余歡，曾踏菩薩頂〞。


以前Ｄ人係米多數近視嘅呢？到處都有寫到鬼迷咁大個嘅字。




小說〝梁山泊〞中嘅《魯智深醉打山門》就係喺呢度。






【五臺山】嘅標誌「大白塔」，全名係釋迦牟尼舍利塔。


〝佛光寺〞被建築學家梁思成、林徵等一行四人，喺五臺山揾到佛光寺，佢地爬上布滿灰塵嘅大樑，抹去堆積嘅灰塵，發現一行依稀可辦嘅字，呢行字證明咗呢座寺廟係建於唐代，打破日本學者斷言中國已經不可能見到完整嘅唐代木建築呢種講法。

〝顯通寺〞始建于漢明帝永平年間，係五臺山規模最大，歷史最悠久嘅一座寺院，俗稱《祖寺》；最初叫做「大孚靈鷲寺」，北魏時擴建，唐太宗時重建，改名「大華嚴寺」，明太祖朱元璋時重修，賜名「大顯通寺」，喺明朝期間改來改去最後到咗清朝康熙二十六年(1687年)，再改番個名為〝大顯通寺〞直到今天。

國內Ｄ野就係咁，喺咁古舊嘅地方，擺放Ｄ咁嘅野。

〝塔院寺〞喺五臺山眾多佛塔中，塔院寺嘅大白塔最有名，佢係寺內主要標誌，寺廟因為佢而得名，塔嘅全名為釋迦牟尼舍利塔，個個人都習慣稱佢為五臺山白塔，亦將佢當成五臺山嘅標誌，呢座塔喺漢明帝以前就有喇，名為『壽塔』，不過當時係細座Ｄ，裹面擺放咗釋迦牟尼嘅舍利子，再喺元朝大德六年(1302)，由尼泊爾匠師「阿權尼哥」設計建造，將以前嘅『壽塔』包實喺大塔裹面，工程之大，建造之難，為五台山之冠。



比信徒五體投地跪拜嘅石板。


好野~有得玩喇.....轉經輪。

傳說【五臺山】係文殊菩薩嘅道場，文殊菩薩主智慧，最靈嘅據講係〝五爺廟〞五爺係龍王第五子，所以過去又叫龍王廟，同【五臺山】嘅標誌「大白塔」相依為鄰，據說喺呢度許下嘅願，三年必靈喎。喺五爺廟中嘅文殊殿又名萬佛閣，內放好多小佛像。

參觀完【五臺山】，坐車番酒店。

食咗晚飯行出酒店大堂，見呢條水晶龍咁靚，梗係要影低佢喇。

行咗成日有Ｄ攰，跟住番房嘆番杯奶茶就瞓覺喇。