第一天 3-11-2013 (星期日)
呢排天氣開始涼，好適宜去浸浸溫泉，咁就同大人去報番個溫泉團玩幾日，今次仲約埋我嘅好兄弟「新仔」兩公婆一齊去玩添。
朝早食過早餐，7:30喺灣仔碼頭等埋佢地，再乘搭去深圳皇崗嘅巴士，過到去就滙合呢次旅行團嘅導遊，等齊人就開車出發喇。
經過熟口熟面嘅地方（威遠砲台）。
途中到咗服務區，停車落地小休同去埋洗手間。
上番車繼續行程。
黎到中山東昇，梗係又到咗食晏嘅時候喇，今次又係去果間叫美味園度食脆肉鯇同荔枝柴燒鵝。
趁未開飯，我同新仔出去撈條脆肉鯇玩吓先。
使乜撈吖，扯起個網米影得清楚囉！
![]()
開餐喇。
食飽就上番車繼續行程。
好快就到咗目的地「康橋溫泉渡假酒店」喇。
我地呢次入住嘅係湖邊別墅，一座有兩個單位，我住二樓，新仔就住三樓，地下係大客廳。
放好行理，洗過面，沖杯茶休息吓先。
![]()
騎樓外面對住個湖，景色唔錯。
![]()
落地下大廳坐吓先。
![]()
由大廳行出去仲有個花園仔添喎～
我地唔坐穿竣環保車，慢步遊覽吓呢度四週嘅地方。
呢間酒店個大堂，有幾成似南非嘅迷城酒店喎！
黃昏日落，正門前嘅A貨大象。
等食埋飯，今晚先至黎浸溫泉。
夠鐘開飯。
食飽飯，慢步行番房間，跟住去浸個零鐘溫泉，沖好涼就沖幾杯靚奶茶，落大廳同新仔兩公婆一齊嘆吓；到十二點就各自番房休息喇。
感謝 白果魚神 提供以上資料
白果魚神的網誌: http://a991952.blogspot.hk/
