1-8-2011 (星期一) 「第二日」
因為冇指定時間起床，瞓醒都八點幾，有Ｄ團友落去泳池游早水，我同大人就梳洗好，落一樓食個自助早餐，跟住就喺酒店週圍逛吓！
呢度係酒店正門，但係見唔到招牌過喎！
白天鵝賓館位於珠江河邊。
又入番去四圍共吓。
室內假山做背影，夠晒自然。
餐廳入口。
由另一度門出番去街上，好有南洋嘅感覺。
哈哈!!卒之比我揾到個招牌喇~
呢件象牙雕刻唔知係米真嘅呢！
Ｄ手工非常精緻。
希望香港股市好似呢隻牛咁就好喇！
10:40就上車去今日嘅景點「海沙公園」喇！途經熟口熟面嘅地方。
仲有Ｄ未拆嘅舊樓。
沿岸風景秀麗，整齊乾剩。
經一個小時就到海沙公園喇，本來噚日去參觀完廣州塔就會到呢度夜遊嘅，但係有「大人物」喺度攪節目，所有人都要『迴避』，所以改為今朝先至黎。
導遊去咗買門票，我就攞咗枝旗黎攪攪震。
其實呢度都冇勿野好睇，只係有些少關於亞運嘅野展覽吓，當到此一遊就算喇。
亞運火炬。
亞運禮儀小姐先生嘅服飾。
唔知呢度嘅樁底有冇魚釣呢？
果日好熱，足足喺度熱咗一個小時，一夠鐘就嗱嗱聲上番車，去芳村食午飯好過囉。
而家廣州Ｄ建築物幾現代化！
途經廣州舊火車站。
好快就到咗「芳村」呢間叫一品粥嘅餐館食中午飯。
好彩Ｄ冷氣夠哂凍，食都開胃Ｄ。
呢餐Ｄ餸都算OK喇！
食飽飯就去行街街買手信，行行吓見到呢間泮溪酒家，就另我諗番起喺三十幾年前，第一次到廣州，就係喺呢度食飯架喇，果陣成圍枱十多人，又雞又鵝又魚又菜，埋單都係二十八元『外滙卷』，仲要係食【高價糧】添噃！依家我睇起碼要二十倍，即係要五六百人仔先至得喇。
入面Ｄ小橋流水都改過哂！
出面仲做埋手信零售添喎。
Ｄ團友個個都買得好開心，我就梗係冇買喇！
跟住就上番車踏上歸程喇。
回程高速公路冇塞車，呢次最早，過埋深圳關，番到香港都係八點幾咋。
感謝 白果魚神 提供以上資料
白果魚神的網誌: http://a991952.blogspot.hk/
