我同大人係第一次參加嘅「美食之旅」~清遠-連州、陽山三天遊。
6-11-2009
05:00晨咁早起身，同大人06:15到約咗朋友嘅地點，一齊過深圳；導遊約好咗我地08:30喺關閘口等，呢團剩係我地同班朋友就佔十二位，合共有成四十幾人，大家會合咗就齊齊上車出發。
行經廣花高速公路，中午13:30到中途站『廣州花都』食午飯，因肚餓，所以顧住食，唔記得影Ｄ餸，出到黎先記得影番間餐廳！
再經最新嘅清連一級高速公路，15:45到達清遠「連州」，入住連州國際酒店，攞好房間，休息咗一陣，17:45到二樓餐廳食晚飯。
每餐都必有嘅清遠白切雞。
糯米鴨。
雜菌雙丸碢『牛丸、肉丸』。
金笋木耳炒肉片
晚上欣賞瑤族同胞溝火會，仲有歌舞表演。
第二日 7-11-2009
食過早餐就去連州地下河道，佢係藏喺石灰溶洞底嘅河流，我地就乘艇慢遊全程。
午餐又大飲大食，呢餐係(雙雞宴)，服務員工作態度十分好。
白切雞真係唔少得。
普通嘅蒸肉餅，一上臺就比人夾咗一塊。
蛋角山水豆付煲，Ｄ豆付超滑~~正！
芋頭炆鴨，好好味。
因為呢餐係雙雞宴，所以又有鼓油雞。
鐵板紅燒茄子，個汁一流。
番茄炒蛋，開頭以為好普通啫！原來有炸米粉喺底度，好有特色嘅一味餸菜。
清蒸鯇魚，正在夠新鮮，冇泥味！
炒粉絲，勝在炒得夠乾身。
食飽飽，跟住去乘船遊湟川三峽；往湟川三峽途中見到嘅慧光塔「被譽為廣東小斜塔」。
湟川三峽水閘
水閘內嘅運河。
可直通往廣州嘅河道中嘅灯塔。
遊完船河就往陽山，大約兩個小時，在途中前面有交通意外，要運路走，遲咗個幾鐘先到陽山，入住凱逸假日酒店，攞咗房間，跟住19:30到三樓餐廳食晚飯(陽山雞皇宴)。
每餐都有嘅老火湯。
魚滑鑲涼瓜，我唔食涼瓜，所以唔知咩味。
土魷抄西芹。
好普通嘅示汁蒸肉排。
又係主打鯇魚。
炆南瓜。
讓豆付。
8-11-2009
第三日早上08:00食過早餐，離開酒店，就往英西峰林，乘船遊十裹畫廊、洞天仙境。
途經全世界(導游話)最高嘅高速高架行車橋。
著埋所謂救生衣，準備落艇。
游艇河途中嘅風光。
自拍影番張先。
沿途風光，洞天仙境。
上岸行咗陣，落番去准備回程。
蕃薯都買兩斤。
又買七子毛桃。
午餐食(黃花豆付宴)炸豆付，用柴火煑，好有豆香味。
呢味唔紀得叫咩添，好似係鴛鴦豆付。
炸山坑魚，幾香口。
咁多餐，呢條鯇魚最大。
我嘅至愛，白鹵水豬手，好爽滑。
因為餐餐都有雞雞鴨鴨，所以就冇影到。但係呢個唔影唔得，就係【炸南瓜糯米餅】你睇佢幾香脆！
食飽午飯，就沿廣花高速公路，回深圳，此行就結速，我地就肥咗幾磅回港喇！
