26-8-2011 (星期五)
今日同大人參加咗佢老友黃太嘅龜背灣之友攪嘅遊船河！晨早食過早餐，09:15就落去愛秩序灣碼頭上船，佢地仲預備咗好多午餐、甜品、西瓜等等，喺船上享用。
係呢架囉喎，咁我地就準備上船喇。
呢度就係愛秩序灣避風塘。
上咗船大人就同佢Ｄfd係船倉傾計嘆冷氣。
船開喇，我就梗係上船面影吓相。
離開西灣河。
隻船一駛出去就見到呢隻爛鬼賭船啱啱番維港。
我地隻船往西貢進發，影過右手邊就係筲箕灣同埋西灣河。
影番過左手邊就係油塘三家村。
右面再過就係筲箕灣尾嘅香港戰爭博物館。
經過鯉魚門郊野公園就見到杏花邨。
大人都上埋黎睇風景，背景喺藍灣半島。
經過咗柴灣之後就直出鯉魚門喇。
![]()
以前呢度好多魚排嘅田下灣，以前我都有黎釣過魚，依家填哂唔之用黎做咗勿野咯！
呢度就係以前搶花炮而打交出哂名嘅大廟。
清水灣區樂部。
開始經過佛堂門，如果大東北風，呢度係好大浪架，好彩今日吹西南，風和日麗，隻船好平穩咁渡過。
跟住落黎果Ｄ地點就唔知係邊度咧，須然經過都無數次，我都係睇過就算，冇問船家呢度係邊度。
一路隻船係咁車，我就見Ｄ景靚就係咁影。
呢度咁多魚排嘅，邊度黎嘅呢？前面仲有個亭添喎！
經過一小時嘅航程，目的地滘西灣在望喇。
遠睇埋去個沙灘都幾靚喎，可能以前都黎過，不過都唔記得囉！我地就埋去游咗個零鐘水，跟住上番船食午餐。
食飽飽就開船去下一站廈門灣。
呢個灣係有救生員同防沙網嘅，即係呢度有沙魚喇，都係唔好落水揾陣Ｄ。
有位呀哥喺度話拖假餌喎！
有人用手繩釣魚，開頭我都唔諗住釣嘅，但係見人釣得咁過引，我都問船家攞副手排黎玩吓先至得。
大人話:睇佢吖，一有魚釣就成個生猛哂。
一落餌就中條小牛鯭，吹咩！
黃太問~呢條係米金鼓喎！我話...........
再落第二口餌，呢次中條大Ｄ架喇，連小妹妹都話要黎搶鏡喎。
仲學條牛鯭咁整長個咀。
玩到三點零鐘就踏上歸航喇。
一路都唔知係咩地方！
總之風景好靚喇。
回程埋第一站~藍灣半島。
部份人落咗船就繼續駛往回程嘅第二站~西灣河。
好快就到咗愛秩序灣喇。
五點番到西灣河落船，我地就開開心心咁結速咗今次嘅旅程喇。
感謝 白果魚神 提供以上資料
白果魚神的網誌: http://a991952.blogspot.hk/
