21-11-2010 (星期日)
今日去跟朋友嘅朋友攪嘅南丫島吃喝半天遊。
早上於10:00喺中環 9 號碼頭集合，因為我
都係第一次去果度，以為碼頭Ｄ號數係由中環
數起，所以喺地鐵站一上黎就由行人天橋一路
行過國金大厦果便，再出海皮，點知原來號數
係由上環果邊數起，幾個人又由頭行番去尾，
足足行咗 20 分鐘先至到 9 號碼頭，原來積
係以前卜公碼頭果度，早Ｄ講吖。
等齊人就上船住南丫島進發 。
上咗船，因為頂層滿座，只好到船艙坐，都好有
冷氣嘆，梳發又舒服。
因喺船艙內，所以影Ｄ相比玻璃隔住冇咁靚！
離開中環喇。
摩星嶺海旁。
到咗鴨脷洲海怡半島。
旁邊經過嘅貨柜船。
半個鐘就到咗南丫島嗦咕灣喇，仲快過我平時喺
香港仔去南丫島煤橋釣魚。
第一站先埋南丫漁民文化村。呢度我第一次來，
但係有卜友(漁夫之嫂)就經常黎呢度釣魚，上排
釣魚剩收 60 蚊。
船泊咗大排，我地就落船喇。
呢個漁民文化村有導賞員帶領我地參觀同講解。
首先睇吓佢地飼養嘅竉物(魚)！大龍躉。
懵仔魚。
大章雄、大紅魚、大三刀，大花尾躉、黃瓜
子班等等........。
導賞員仲用Ｄ(橫澤)做飼料尼表演餵魚。
佢仲介紹(海后)比大家認識。
呢隻係雄性，個壳前端有凹位，前抓係單指。
佢左手執住果隻係雌性，個殼前端係圓嘅，
前抓係兩指。
我呢隻係乸喇，我都識分！
大人話，虾！真係有兩隻手指個喎！
再介紹沙魚(狗沙)。
介紹完Ｄ海星，我就發揮我嘅本色，攞隻大
海星尼攪攪震喇！
陳生陳太都影番張先。
大人話:我又影........。
飛魚。
導賞員餵大形魔鬼魚。
跟住就係戲肉喇，就係無鈎釣魚，顧名思義係
釣魚唔准用鈎，將魚餌挷喺條繩上便比魚食，
如果釣到條魚上尼就比你攞走。
冇鈎嘅~點釣呀!!!
好!!即管試吓得唔得先。
揾笨嘅！一放落去就比佢強搶咗舊餌。
釣到喇！釣到喇！噢~又甩鬼咗#＊@#
用正路釣法，都係比魚KO我地。
陳生諗到一個〝出術〞釣法，卒知比佢釣~呀唔
係！應該係嗦，嗦咗條爛鬼星鱸上尼。哈哈！
後尾Ｄ工作人員話釣得唔合規則，冇得攞走。
玩吓啫，Ｄ爛鬼星鱸，比都唔要！
我走入個沉籠度，感受吓魚兒被捉嘅感覺！
到此一遊。
玩完一輪就上番船，離開呢度，再駛埋岸食
中午飯。
上咗岸就去呢間X虹海鮮酒家食飯，因為同枱
Ｄ人唔熟，所以食物相欠奉！
食飽飽就週圍行吓！呢間係天后宮。
一路行見有棵大樹波羅，好大個喎！
行咗一陣就番碼頭等船回程番中環。
16:00就上船回程喇。
今次排頭位，上咗上層坐，可以睇清楚Ｄ風景。
呢個就係漁民文化村嘅大排喇。
又有架貨柜船喺我地旁邊駛過，咁多貨運，
點解中海集運呢隻股仲咁落後架~
經過華富邨。
數碼港。
大口環。
摩星嶺。
西環尾。
亞洲之星遊輪原來泊喺西環尾。
堅尼地城！高果幾座喺寶翠園。
圓頂形果座建築物喺「中聯辨」大厦。
西環果菜欄碼頭。
好多人係度釣魚喎~
番到上環喇。
紅色果兩座係信德中心港澳船碼頭。前果排，
有架直升机急降海面就係呢度喇！
番到中環喇！呢度就係中環消防船碼頭。
消防船〝精英號〞就係停泊喺呢度嘅。
長形果座就係全港最高嘅國金大厦喇！
中環 2 號碼頭。大家要記住！Ｄ碼頭號數係由
上環果邊數番過中環度架。
天星渡輪碼頭，背景有怡和大厦同埋中銀大厦。
保留嘅古舊建築〝中環碼頭〞
好快架船就准備泊岸喇！
上到岸又見有人喺度釣魚。
下次我都黎呢度釣吓至得！
咁就結速咗今日嘅南丫旅程喇！拜拜!!
