尋日0既煨蕃薯，我以為已經夠經典，點知今日除左有煨蕃薯外，仲有埋炒栗子，實在係太爆喇！！
一間公司其實又無鑊又無爐，可以點炒呢？
呢樣就真係勁喇，尋日阿頭講起不如試炒栗子，今日就真係有同事捐出家中唔要0既勁大易潔鑊，用返最古老方法 - 燒炭透爐炒！！
我阿頭仲要勁到上網查到原來出面炒栗子果d唔係沙，而係鹽，只要加埋糖炒，d鹽就會慢慢變成黑色，同事們試過又係真架囉！！
於是，一大盤用左鹽加糖炒0既栗子就誕生左，仲要個個話正，有d仲食到停唔到口囉！！！
p.s. 都係果句，咁食法，有乜辦法唔肥？
