10-3-2014 (第八日)
今日我地會由「西班牙」嘅西唯爾乘車往「葡萄牙」嘅里斯本，遊覽（耶穌巨像山）同埋歐洲嘅最西端（羅卡角又名大石角），仲會遠眺橫跨泰加斯河上嘅（四月廿五大橋）及暢遊（愛德華七世公園），晚餐會品嚐葡萄牙正宗嘅（馬介休）。
豐富嘅早餐。
食過早餐就喺酒店內行吓，呢度係噚晚最多人聚集嘅地方，因為要喺呢度先可以免費上網。
上車準備出發。
等齊人就上車出發往葡萄牙嘅里斯本喇。
農地上 隨處都種滿橄欖樹。
行咗個零鐘，又停服務區比司机同我地休息，站內依然仲有好多特產售買。
Ｄ老闆又要忙於選購喇。
休息咗一陣又繼續行程。
我地巳經到咗葡萄牙喇，途中經過嘅小鎭。
順便停低食中午飯。
今次係食西餐。
揾咗位坐定定等食。
飲杯先。
先黎一碗豆湯。
跟住侍應生奉上美味嘅燒雞腿佩薯條。
甜品係雪糕。
食飽飽就上番車繼續往葡萄牙嘅里斯本。
大約兩小時又停服務區。
路牌話比我地聽就快到里斯本喇。
黎到「里斯本」離遠以經見到呢條十月初五....呀!!唔係～係（四月廿五大橋）至啱。
黎到「里斯本」，旅遊巴首先載我地去遊覽（耶穌巨像山）。
到喇到咗（耶穌巨像山）喇！
喺全世界有三座耶穌巨像，一座喺「巴西」嘅里約熱內盧，一座喺「越南」嘅頭頓，而呢座就係喺葡萄牙嘅里斯本。
呢個耶穌像比越南果個放得高Ｄ，總之就各有特色，而巴西果座就未去過，唔知有咩唔同呢！
越南頭頓呢座耶穌巨像喺2010年影嘅，順便同大家分享吓！
講番呢度先！喺耶穌巨像呢個位置可以遠眺橫跨泰加斯河上嘅（四月廿五大橋）。
講時講，呢條葡萄牙里斯本嘅（四月廿五大橋），同美國西岸嘅（三藩市大橋）又有幾分相似喎！
跟住喺附近四圍逛吓先。
泰加斯河兩岸。
欣賞完咁靚嘅景色，上番車往下一個景點，係喺歐洲嘅最西端（羅卡角又名大石角）。
我地將要駛過呢條就係剛才遠眺嘅里斯本（四月廿五大橋）喇！
望番轉頭仲可以見到耶穌巨像。
我坐車時好少瞓覺嘅，見到咁靚嘅景色，點能夠唔影低落黎同大家分享吖。
望到大西洋喇。
經一個小時嘅車程，就黎到係喺歐洲嘅最西端（羅卡角又名大石角）。
落咗車由小踁一路行出去海岸崖邊。
影張到此一遊先。
遠望出去大西洋，感覺真係難以形容。
後生即係後生，咁危險嘅位置都夠胆企。
細路...唔好爬來爬去，等我同你地影啦！
我地都係懚懚陣陣喺木圍欄內影吓就算。
都幾高吓架，風高浪急，你都米話唔驚！
一路行番去停車位置一路影多幾幅。
呢度原來叫做＜卡賓大洛卡＞！
![]()
上番車繼續去下一個景點「愛德華七世公園」。
沿途好多牆上都有靚靚嘅塗鴉。
好快又到咗「愛德華七世公園」。
呢個公園係沿住個山坡黎興建，我地冇時間行落山脚，只係喺山上落車點遊覽。
又到晚飯時間，今次係會品嚐葡萄牙正宗嘅（馬介休）；後面兜友黑哂面，梗係啱啱比老細醒完頂喇！
呢枝水個玻璃瓶幾靚喎！
![]()
法式包佩牛油。
雜菜湯。
沙律。
葡萄牙正宗嘅（馬介休）。
其實冇咩特別，用魚干炒薯絲，我話冇喺澳門果Ｄ咁好食添。
甜品係雪糕。
放喺餐廳門口當眼處嘅各國不同錢幣。
食飽就番酒店。
食唔飽，一上房就煲麵沖奶茶開餐喇，跟住沖埋涼就瞓覺覺豬。
聽日將會乘机返港，不過上午都仲有節目，敬請留意收睇！
感謝 白果魚神 提供以上資料
白果魚神的網誌: http://a991952.blogspot.hk/
