食飽行一陣,上房攞埋行理落黎,交埋房匙去服務臺就上車出發喇。
大人一早就坐定定等番香港!
而我就趁未開車,玩吓蒲公英先。
11:00開車離開酒店。
開車冇奈就先去食午餐先,今餐係唐餐。
我地十個老友又可以坐埋一齊食飯喇!
須然D餸味道嘛嘛地,不過總好過食西餐。
食飽就上番車出發往机場,飛机唔等人加嘛。
法拉利!
開始塞車喇,好彩提早開車啫!
見到机場都冇用,仲要兜好遠先至入到去。
我地就大把時間,飛机仲有成兩個鐘先起飛。
呢位女仕就可能急D,睇住佢由車度跳出黎,跟住往机場方向飛奔。
而我地就喺預期時間,到達机場辦理離境登机手續,仲有時間行吓机場免稅店添。
今次我地係乘搭番瑞士國際航空班机,先飛「瑞士」蘇黎世,須時約個半鐘。
最緊要係買埋兩包薯片比三公主先。
準時登机,準時16:10起飛。
個半鐘嘅航程就到咗「瑞士」蘇黎世机場,等22:45轉机番香港。
有幾個鐘比我地慢慢行吓机場嘅免稅店。
夠鐘登机喇。
準時22:45起飛,航程大約須要11小時45分。
喺飛机度食咗一個晚餐,一個早餐,睇咗兩套電影,於1-5-2013香港時間16:45,飛机就降落離開咗十七日嘅香港喇!
攞埋行理,就搭番机場巴士番西河,番到西河一落車就叫大人去太X樓裏面,同肥婆買三碗車仔麵,番到屋企,即刻冲杯奶茶,兩之公慢慢歎喇喂。
後記:今次旅程使我認識到(巴爾幹半島)係咩地方同人民生活環境素質,須然跑馬看花,但係都畧知一二,加上果度未經太多文明洗禮,可以見到大自然嘅景觀,同埋珍貴嘅古蹟;除咗頭幾日同領隊有D意見,其他日子都玩得好開心,食果方面都算唔錯(西餐梗有D唔啱食架喇),酒店一流(比個手指公),車就舊咗D(落雨時車頂漏水),司机冇得頂添喇,總結今次我比75分喇。