四大文明古國之一(印度) 六天之旅

四大文明古國之一(印度)六天之旅，主要嘅係觀光佢地所謂印度金三角，即係新德里、亞格拉、齋浦爾。

是日21-11-2009 14:05 全程都係乘搭印度最豪華嘅Kingfisher航空公司客机(包括內陸机)，約5.5小時，因為印度時間比香港時間慢2.5小時，所以於17:50到達(孟買)机場，於20:45轉乘內陸机，再用約2小時之航程到首都(新德里)，到達時以經係晚上22:45喇，入住Vista Park四星酒店，因為舟車勞頓，所以各自攞咗房間，就去晒揾周公囉！

22-11-2009第二日

喺酒店食咗早餐，就開始新德里嘅市內觀光。

酒店大堂放置嘅象神。

噚晚夜過頭冇留影，所以一早影番張先。

於酒店內食早餐。

酒店外之街景。

附近有隻駱駝喎！

在旅遊車途中嘅街景。

第一觀光點，德里門，又稱印度門，樣式模仿凱旋門，係為紀念第一次世界大戰陣亡嘅9萬名印度將領而建，樓高4.2米，牆壁上刻有陣亡將士名字。

門前有軍人把守。

佢地Ｄ印度人好樂意主動同我地Ｄ遊客合照架！

睇吓你地揾唔揾到我！

呀兵哥又揾我同佢合照。

又同陳生兩公婆影。

第二景點甘地墓，位於印度首都新德里東南嘅穆納河畔，由幾塊白色大理石砌成，旁邊有一盞長明燈，每日都有好多人到甘地墓憑吊。

甘地係帶領印度脫離英國而獨立嘅民族英雄，最後被印度教徒於1948年射殺身亡。因印度教係奉行火葬嘅，而佢嘅骨灰灑於恆河，所以冇墓碑。

到墓園的人，必須脫鞋，赤腳或穿襪子進入。

一個墟！哈哈

攞埋呀星枝彎刀。

離開甘地墓，就向着印度三角嘅第二個角(亞格拉)進發啦。

途中見嘅癈宮。

路邊嘅擺檔理髮。

中途下車小休。

我就去嘆番杯架啡先。

18:15到達亞格拉，入住Mansingh五星酒店。

於酒店內進自助晚餐。

23-11-2009第三日

觀光(亞格拉ARGRA)；今日係重點旅遊，因為係遊【泰姬陵】(Taj Mahal)，又稱【泰姬瑪哈陵】，係「蒙兀兒」第五代君主~~「沙賈汗」(Shah Jahan)對佢心愛嘅皇后「慕塔芝 `瑪哈」(Mamtaz Mahal)之愛嘅見證。

【泰姬陵】嘅建造背後，其實有一段動人嘅故事，話說沙賈汗与皇后結婚19年，皇后在1630年，第14次生產中去世，臨終前向皇上要求了4個承諾，其中一項就係為她建造一座人人可瞻仰嘅美丽陵墓，是沙賈汗就耗資咗500萬盧比，以2萬名工匠，花咗22年時間，完成咗呢座震驚世人嘅大理石藝術建築，作為愛妃長眠之地。

早上我嘅早餐。

離開酒店。

喺街上見嘅流浪牛，隻隻都係咁瘦，皮包骨，真陰公！

到咗泰姬陵，步行若5分鈡。

經過(嚴密)嘅保安驗查，先至可以內進。
錄影要比250盧比，影相就免費。

再經過呢個大門，背後就係泰姬陵喇。

去片~~

【亞格拉堡】Agra Fort於1565年興建，主要功能防禦敵人，周圍環繞著護城河，後來變成皇室御所，分大厦，宮女寢室，市集，賈汗曾希望以黑色雲石建造一座與泰姬陵一模一樣的陵墓作自己用，可惜晚年被其子囚禁於亞格拉堡七年(八角塔樓)直至死而未能完成。

經過見有綠鸚鵡同松鼠一齊，見咁得意就影咗落黎！

亞格拉堡其中一座大厦。

古市集。

皇室住所。

牆上鑲上寶石。

有Ｄ比人偷走咗。

地勢險要。

第三個景點【勝利宮】Fatehpur Sikri位於ARGRA西40公里，迦密清真寺，模仿回教聖地麥加清眞寺，融合印庭教傳统建築風格。由紅色砂岩建築，內有回教聖人陵墓，很多渴望生男的印度女人前來朝拜，也可求平安繩。
勝利宮門前，大人又比熱情嘅印度人掹咗去影相。

遊畢亞格拉嘅景點，就乘旅遊車前往印度金三角最後一角嘅【齋浦爾】，晚上入住Jaipur Palace五星酒店。

【齋浦爾】Jaipur係一個非常特別嘅城市，因為全城嘅建築都被髹成粉紅色，故這裡有『粉紅城市』之稱，而喺呢個面積唔大嘅古城，有著相當多嘅宮殿，因此齋浦爾又有『宮殿城市』嘅稱號，喺呢度你絕對可以感受到印度獨有嘅〔風....土....人....情〕~~

早上酒店前留影。

24-11-2009 第四日

第一個景點係【琥珀堡】AmberFort 係拉加曼辛格王喺1592年時興建。它位於齋浦爾城郊，距離齋浦爾城11公里，琥珀堡嘅設計匠心獨韻，圓拱形屋頂，大理石柱，牆壁上嘅花朵圖案，都係典型嘅印度宮廷設計風格。

琥珀堡由多個宮殿組成，其中勝利廳嘅鏡宮不可錯過，殿內牆壁用寶石與彩色玻璃鏡片鑲嵌，喺陽光嘅反射下，閃閃生輝，而當大門緊閉，宮內漆黑一遍，再點起一支蠟燭，宮殿內便如滿天繁星，浪漫非常。

大伙到達琥珀堡山腳，準備乘坐大象上山。

第一次座大象，大人驚驚要捉實我。

座咗一陣就冇禁驚喇，仲玩自拍添！

經約15分鐘嘅象程，象隊才上到山上嘅琥珀堡廣場。

你地睇，全部鑲嵌琥珀嘅牆壁，幾靚呀！

成班老友影番張留念。

勝利廳嘅鏡宮。

睇唔睇到有條城牆呀，果條話叫做印度萬里長城喎！

我地就係沿住呢條路，騎大象上黎嘅。

遊畢琥珀堡之後，就係導遊嘅主要景點(印度服裝同地壇店)購物點。

我著起龍袍都唔似太子。

佢地就似樣Ｄ。

你地睇佢幾風騷。

喺裹面玩咗陣，攪攪震，冇幫趁，就走出街玩吓用香蕉餵大象。

跟住就去【古天文臺博物館】。

沿途經過著名嘅水上皇宮，我地冇落車，只在車上拍攝。

呢度就係印度【古天文台博物館】。

跟住就去【城市皇宮殿博物館】City Palace Museum，係位於賈斯坦省齋浦爾城嘅宮殿博物館，係1726年拉賈沙亞傑辛格二世所建，係一棟裝飾典雅嘅7層建築物，目前有一部份仍為馬哈拉加家族所居住，1959年部份開放為博物館。

用長鎗砌成嘅大壁畫。

宮殿內有一扇叫孔雀門。

呢個大金水桶，話說印度皇去咗英國倫敦，但係又要飲番恆河水，所以大臣就用黃金，打造咗3個大水桶，由印度恆河，載水到英國倫敦比皇帝飲，途中跌咗一個落泰晤士河，現在只剩兩個放於此博物館中。

乘坐人力車，穿梭齋浦爾市中心熱鬧嘅街道(約半小時)。

跟住自己行風之宮市中心購物街。

買絲巾。

印度尖頭鞋商店。

行完街街就參觀300年歷史嘅【齋浦爾印度神廟】，廟內唔准著鞋，唔准拍攝。

晚餐於酒店內。

25-11-2009 第五日

晨咁早就到酒店花園草地上玩瑜珈，由印度瑜珈大師帶領，玩咗一小時。

輪到最後一個景點喇！就係【風之宮】。

風之宮殿其實並非一座真正之宮殿，只係在外貌上看上去有如皇宮般華麗、壯觀，而且站在裹頭嘅每個角落，都感受到有風吹入，因而得名。此外型特出之建築物建於1799年，由953扇窗户，以金字塔排列方式所構成，共有5層，整座建築物皆為粉紅色，而各扇窗户，則以白色嘅邊框，與別緻嘅圖案所點綴，係每位遊客，黎到印度，都會一看嘅景點之一。

大門唔係幾起眼喎！

仲要經過樓梯。

上到頂層睇風景。

老友又影張大合照先。