28-2-2009
今日先補番果日D野、話說果日冇勿世藝,就同大人叫埋大姨同埋D老友過大海行吓澳門街,過到去都十二點幾,落船後就去食碗翅(係四十五蚊一個嘅煲仔翅),覺得唔夠飽,就行過少少再食上海定食(六隻水餃、一碗蔴醬雞絲撈粗麵,一碗豆漿),都係十四蚊,真低食,食飽飽之後,去永利睇發財黃金樹,然後先去威尼斯玩老虎機,執左佢百幾蚊,就上樓上食飯,跟住乘九點三十分班船番香港,咁啱係船上見到呀茵男友summer做完野番香港,呢個世界真細!番到屋企都十一點幾喇。
遠望澳門街。
威尼斯大酒店。
碼頭有人偷釣魚喎!
就係呢間喇!
大人喺度等食。
嘩!好好味呀!
影幅街景先。
發財水晶燈。
黃金發財樹。