18 MARCH 2014(TUE)
嘩...發生咩事，仲乜依個傻豬仔整個姣騰騰樣，不過依個樣又真係幾可愛同攪笑呀~
好錫小小豬嘅朋友仔又送左兩份禮物俾小小豬，就係HIPP嘅餅餅同護膚膏，睇吓個傻豬仔收到禮物幾開心~
有得食小小豬就最開心，所以一見到盒餅餅就已經即刻想打開嚟食啦！雖然依盒係牙仔餅，已經過左啱小小豬嘅年齡，不過為食嘅小小豬當然係唔介意，因為有嘢食就係最好開心啦~
睇佢食得幾津津有味~
其實HIPP之前我都有聽過，知道都係出售有機嬰兒食品為主，不過原來佢地都出皮膚護理，出左一系列特別為有機護理敏感肌膚嘅洗護產品。如果唔係朋友仔送俾我，我都唔知添，真係大鄉里啦！
雖然小小豬啲濕疹都已經改善左好多，不過始終係濕疹底，所以平日護理真係要好小心，每日洗完白白或者洗完面之後，都會好勤力地用護膚膏，等啲皮膚唔好乾，咁啲濕疹就唔會再嚟嘛！
之前都係我幫小小豬塗CREAM CREAM嘅，不過自從有一次小小豬見到我塗面霜之後，佢就有樣學樣，要自己搽啦~
每次搽完之後，個傻豬仔仲一定問我佢靚唔靚仔，真係俾佢笑C呀~
哈哈...小小豬用左到幾個星期，我覺得都OK，完全唔覺笠用左後啲皮膚又真係幾滑哦。
等我用完屋企現有嘅沖涼用品之後，買埋同系列嘅其他有機洗護產品，俾小小豬試吓先！
其他博客區
※※ SINA ※※
※※ MyBB星級Blogger ※※
※※ WeShare ※※
※※ She.com ※※
