失樂的泰國菜

23 MARCH 2014(SUN)

玩左一輪，大家都肚餓，所以又係醫肚嘅時候，小小豬話要自己點菜呀~

其實如果一向都有留意我地嘅朋友仔，都知道如果我地入嚟石澳，都必定嚟依間食，因為小豬爸鐘意，同埋我地都覺得個味道都真係唔錯，所以唔會考慮其他呀~

雖然話係醫肚，不過大家都唔太肚餓，所以都係簡單咁叫幾個我地平日食嘅餸菜！

首先就係豬肉串燒，不過有啲失望，因為豬肉比之前嘅份量細粒左好多，最重要就係啲豬肉勁"鞋"又乾身，一啲都唔好食呀~

咖哩蝦個汁真係好好食，我地都有曾經係屋企試整過，但都仍然整唔到佢依個味道出嚟，所以每次嚟都一定會食。不過，今日唔知仲乜啲蝦真係勁少，之前食平均都有成五隻蝦，點知今日加加埋埋三隻全蝦都冇，真係好唔抵呀~

有咁正嘅咖哩汁一定要配返個薄餅一齊食先叫正呀~

我地仲叫左炒什菜，不過好似嚟到變左係炒紅蘿蔔，因為成碟都好似係紅蘿蔔做主角(個底仲多紅蘿蔔)，其他菜都係得好少呀~

最後仲有菠蘿炒飯~

其實依間我地都食過好多次，之前次次都覺得唔錯，但今餐個質素真係差左啲，希望只係偶一失手啦！

不過，今日最令我失望就因為賣晒啲椰青，所以我冇得試到小豬媽勁讚嘅椰青焗飯同飲椰青水，同埋冇得食芒果燸米飯依個甜品。

雖知道嚟泰國餐廳食飯，對我嚟講個椰青同芒果燸米飯係好重要嘛，我覺得比主菜仲得靈魂所在，所以冇得飲就真係有啲失樂呀！

其他博客區
※※ SINA ※※

※※ MyBB星級Blogger ※※

※※ WeShare ※※

※※ She.com ※※

※※ theZtyle ※※
※※ SeeWide ※※

MY FACEBOOK~


MY WEIBO~

MY E-MAIL~