今晚同老公、阿輝去左打羽毛球，本來Cathy都黎，但佢病左，babe真係要take care！！好想落力做下運動，不過不在狀態，覺得好疲累。三個人打左個幾兩個鐘，出左身汗，都幾滿足！！要keep on 做多d運動！
跟住去左新城市dinner，打完波無乜胃口，食少左，都0岩，要減肥喇！成日畀人笑我結婚後肥左勁多真係唔掂囉！！阿輝話呢個係結婚女人必經階段，咪玩，不知幾多靚太婚後仲索過婚前啦！不過我諗係因為作息問題，同埋依家陪老公食野會食多左野，以前我勁細食囉！
飯後見有時間，同老公去左一田望下，點知發現少好多人囉，終於畀我買到99蚊6對襪，今次d花仲要幾靚，good！跟住行去望枕頭，睡康寧就唔見，不過好多愛皇健呀，唔駛行去搶就咁拎到兩個，哈，終於買到，仲要勁舒服囉！早知星期四唔駛過黎啦！！
本來諗住上埋超市，不過佢開始拉闡，咁由佢啦！買到枕頭已經好夠喇！
