今日有同事話火炭有文具精品開倉,全部正版貨低至一蚊起,包括有Keroro軍曹、叮噹、黑白豬、kiepie 等,佢話佢準備去,無乜時間下搭單買左d Keroro 同叮噹。
最終有4樣野成功買到,都係四十蚊咋!抵到呢!
12" Tamama 公仔,19蚊,終於可以擁有喇!!
Tamama 公仔原子筆,8蚊!
叮噹組合印,8蚊!!買畀我個學生架!
叮噹盒裝印,5蚊!呢個都係買畀個學生呢!
同事買左好多for 公用,好多車呀、貼紙呀、組合印都係一兩蚊,袋呀、簿呀、file 呀、信封信紙、記事簿、白板筆、企遮等,都係3-8蚊,仲有模型、泥膠、電子琴仔、遙控玩具,都係10-19蚊,仲有d 29蚊同59蚊都係唔錯0既選擇,真係勁平呀!最適合買黎送畀小朋友!我勁有衝動自己去買過囉!
補充返開倉0既資料先(有d矇,臨時用手機影架咋,唔好見怪):
地址:沙田火炭出尾街15-17號峰出工業大廈4字樓全層