成日都話學日文，大大話話都講過好幾次，上過工聯會日語初班兩次，第一日語亦上過兩個月，但學語言就係咁，一唔用就會唔記得，特別係學其他國家0既語言。
就因為咁，荒廢日文差唔多年幾之後，我下定決心要再戰日本語，因為我覺得人總要有要目標好有火去進行，先會生活得有意思、有朝氣。
重新由第一堂上起，學校都唔少野變左，價錢貴左，點名轉左用智能咭，而我，一如所料，讀左好似無讀過一樣，乜都唔記得，識讀囉，但連五十音寫法都忘記哂，唉！！！算啦，反正預左重頭黎過，就加油啦！
因為學日文，我又比以前忙左喇，雖然因為要返學補少日習，但我屎忽痕仲報埋工聯會0既日語中班，所以往後0既星期日都要早起同好忙囉，因為我上晝上要日文，下晝就要學跳舞，勁充實。
點解要報埋工聯會日語中班？屎忽痕係講笑架0者，主要係逼自己多個時間學日文溫日文，但經過第一堂，我有d驚星期日上中班我跟唔上囉！！！Anyway，我會努力架喇！！
