一直以來0既blog 我都會少講同老公之間唔開心0既事，特別係佢唔好0既，但今次我真係覺得好傷心好失望，係眼淚都唔想再流果種地部，從來無試過可以咁清醒。
同朋友逛完街，等埋位叫定0野食等你黎撐檯腳，本來件事係好完美好sweet 的，但最終得到0既竟然係咁樣0既對待，無言。
你0既態度你0既說話你0既言語，將我作為你老婆0既尊嚴幾乎全部粉碎，我真係好難接受一個人講到自己咁愛我，但又會咁樣去傷害我。
雖然我好清楚你0既缺點，既然係自己選擇就應該接受包容，但我真係無諗過你係咁selfish、咁唔理人感受囉，我覺得你變左好多，今晚0既你，令我覺得你對我黎講真係好陌生。
最終我選擇左原諒同忍讓，係因為我真係喇，唔想同你嘈，同埋心真係會淡囉，一次又一次係咁，我諗你真係唔會改變架喇！
當我知道你因為乜而咁樣果陣，的確係覺得唔知好嬲定好笑，感覺上好childish，但同時我為你因為咁無聊0既事而傷害左我覺得好無奈好可悲，點解唔可以一早表達清楚？點解次次都要我傷心欲絕先知道事態嚴重？有時候，就算你過後再補幾多句對唔住抱多幾多次錫多幾多0下，都未必可能補救到架！
坦白講，我係好慶幸你識得講對唔住，起碼你知道今次你真係錯左，對我黎講，你今次係錯得好緊要tim，我真係從來無試過可以傷心到如此冷靜同清醒。
今次我係原諒左你，但下不為例，同埋我諗我需要一段時間先可以完全平伏返，希望你明白。
