25 MARCH 2014(TUE)
要再一次多謝MY BB.COM嘅試用小隊，今次又被選中左參與試用由幸福製藥出既「好幸福」開奶茶及「好幸福」七星茶~
坦白講，開頭聽到「好幸福」依個名都有少少猶豫，因為唔知係邊間藥廠所制(因為坊間都有好多係內地生產)，後來得知係幸福製藥，咁我就放心晒。因為我都會成日買幸福製藥出嘅幸褔傷風素嗰啲產品，屋企總會有一包看門口呀~
幸福製藥所推出嘅「好幸福」開奶茶及「好幸福」七星茶係依據古典經驗專方，挑選上等材料，性質溫和，純天然萃取。此外，通過嚴格的專業測試，安全可靠。而且包裝盒以環保物料製造，以減低資源負荷。
開奶茶對小小豬嚟講都唔係啲咩新鮮嘢，基本上都有飲開其他品牌嘅同類產品。但七星茶就完全未試過，因為我成日都以為佢地兩者嘅功效係一樣，所以都只係俾小小豬飲開奶茶。不過，趁今次試用機會細心細閱兩者分別之後，原來係有分別呀！
好幸福七星茶 - 主要寧神安睡祛風定驚，嬰幼兒保健涼茶，對於幼童夜睡不寧、濕滯熱氣最有顯著改善~
好幸福開奶茶 - 主要係消滯解熱調理腸胃，改善嬰幼兒積滯熱氣、不思飲食、煩躁易驚、夜寢不安，便便不暢等問題~
即係話如果想小朋友瞓得好啲就飲七星茶，想佢腸胃好啲就飲開奶茶啦！
兩者同樣以方便粉粒沖劑，只係兩者顏色有所分別~
由於我用杯嚟沖，一包再加約一半杯熱水嚟開，我覺得都算易溶解~
其實兩者都可以直接加於奶粉內沖調，不過隨著依家小小豬大個仔用杯飲奶奶，所以我地冇加入奶，直接當係涼茶俾小小豬飲用~
小小豬試飲左兩星期，第一星期就飲一次七星茶，第二個星期就因為有一日便便唔多好，所以就有一次連飲兩日開奶茶。或者係因為試用日子唔算太長，所以就冇明顯變化，不過冇反應亦都係一件好事，証明對身體冇反效果嘛！
當然係未俾小小豬試飲前，我自己都分別有試飲，兩款同樣都覺得甜左啲啲，所以都尚可以接受，如果日後可以推出無糖嘅，咁就十分好啦！
係我身上就發現左一件離奇事，依排我嘅睡眠質素都唔係咁好，就係我試飲七星茶嗰晚，我竟然可以好快入睡，而且仲可以一覺到天亮，唔知係唔係七星茶嘅功效呢？哈哈哈...等我下次瞓唔著時又飲返杯先。
