頂！（都唔想咁粗俗，但唔頂唔得囉！）痛就痛左十日八日，佢尋晚先同我黎囉！
我諗心水清0既美女都知我講緊乜啦，之唔係我最又愛又恨0既大姨媽囉！都唔明囉，次次都係咁，未黎已經痛定先，仲係預早個幾星期痛囉，黎左又唔係唔痛喎，仲要痛得勁0的tim 囉！真係作佢個死！
好似依家，我就痛到幾乎覺得下面係爆開左囉！唔好話出街，真係連落床都有難度！但偏偏次次唔到我佳人有約或者有緊要0野做果日，佢都唔黎囉！
今日又係喇，下晝要去補習，仲係唔去唔得果隻，跟住夜晚約左TC Club 班衰婆，依家可以齊人0既機會真係買少見少，我痛到死都要出去呀！但係痛到連行都無力，咁點好呢？
唯有就係先食兩粒必理痛，再沖個熱水沖，然後用舒緩經痛0既按摩油按摩0下，最後貼多個經痛貼先出去囉！雖然係點都會痛架喇，但起碼叫走動到先啦！
唉！每月呢個時候我就會問一句：點解我要係女人呢？
作為一個已發育未過更年期無紮到又未想生0既女人，每月0既經期其實係好事，但次次都痛到咁，真係好大影響囉，搞到無哂心情做0野不得只，有時想做都有心無力囉！我真係次次都痛到想死，然後就係勁易就但眼睏，又手軟腳軟周身無力，都唔記得試過幾多次因為經痛返唔到學返唔到工囉！
唉！點樣先可以唔痛得咁勁呀？你未0黎已經痛定先，好惡頂囉！一諗到我每月有三份二時間都俾或重或輕0既經痛纏繞，真係頭都痕埋呀！
