依家係深夜03:20 , 八號風球高高掛 , 無心睡眠 , 求其搵D野黎寫咯 ,
不如就試番篇Blog啦 . 今次係第七次試Blog , 主要係文字加相片 ,
內容無無謂謂 , 大家睇完就算 , 無需深究 !! 話說早幾日發左個夢 ,
(其實近排都經常發夢) 一般既夢即使記得 , 都會印象模糊 ,
唔知點解今次記得咁清楚呢 ? 個夢內容係世界末日 , (可能係睇得電影多)
講我身處家中 , 望出窗外D樓晒 , 地下洪水沖個不停 , 果刻記掛住屋企人既安危 ,
(因為我唔係同屋企人一齊住) 但係知道打電話都冇用 ,皆因咁大災難 ,
D網絡應該都斷晒 . 果刻都絕晒望 , 心諗 : 死我都唔係太怕 , 不過唔該痛快小小 .
正在 "自忖必死" 不知所措之際就醒過來 , 由於發緊夢唔會對個夢有懷疑 ,
所以感覺非常真實 , 都咪話唔緊張呀 . 直至到依家 , 我都對果個夢好有印象 ,
Blog友當中唔知有冇人識得解夢既呢 ? 定抑或係睇得災難片多 , 日有所思呢 ?
相信都唔會有答案 . 點都好 ~ 希望唔好再有下次 , 皆因咁樣驚一驚 , 好傷身架 . haha ...
好 ~ 講住咁多先 , 收音機話 "天兔" 正在減弱 , Yeah !! 聽朝準備返工 ~
Bye Bye !
