Hello !
今次係第二篇試Blog , 會以純文字編輯 , 主要係想測試冇相片既情況 .
求其搵D野黎講啦 , 就講 yahoo blog 關閉呢個話題 ...
YB決定關閉 , 呢個已經係無可改變既事實 , 正所謂 : 凡事有開始 ,
就會有終結 , 理應就乜野都看破晒 , 只不過有一件事 ,
至今都令我耿耿於懷 , 就係主Blog果度按下 "輕鬆搬家" ,
當日無意中按下呢個Click , 到下次登入時 , 即時變成唯讀Blog ,
乜野更新都做唔到 , 呢一著實在太過陰濕 , 本來10月30日過後 ,
所有網誌都會變成唯讀 , 但係我仲有D旅遊行程未解決 ,
依家每日見到主Blog度瀏覽次數不斷增加 , 個心就隱隱作痛 ,
其他人可能諗 : 點解寫寫下冇下文既 ?仲未睇完喎 ...
(加多一佰字粗口) 呢樣真係啞子食黃蓮 , 有苦自己知 .
依家折衷既方法係去另一個YB度寫埋餘下行程 ,
不過搵到果度既Blog友 , 可謂寥寥可數 , 真係飲恨 .
如果有緣見到呢篇網誌 , 想話你知我兩個網誌既地
上面係舊Blog , 下面係新Blog , 最後想講 ,10月30日之前 ,
千祈 ~ 千祈 ~ 唔好按 "輕鬆搬家" 呀 !!
Bye Bye !
