是次消費:每人平均約HK$ 150.00
周日周圍去搵食,走左去觀塘的工業區。
其實呢間叫百味王既酒樓,去食過一兩次,不過次次都無得去試檯面魚。
其實檯面魚用的魚就是平時食開既鯇魚,
水缸右下角既魚就係, 一般用既魚都唔大。
唔食檯面魚都可用其它湯底打火鍋,都有小菜。
火鍋料同平時的無咩分別,中意食咩就點咩來食。
好了,等左一陣魚上來啦!
魚係先煎左八成熟,然後開火再滾一滾即食得。
首先先食魚,因為滾得太老就唔好食啦!
食嗰陣要小心,因為鯇魚相對來講比較多骨。
上次來打邊爐,食過呢個豬粉腸,覺得唔錯,所以呢次再叫。
食有方法架,成盆粉彩放入湯中,要滾30分鐘,
之後先叫侍應過來剪成一節節方可食。
呢個炸魚片頭都係必叫,剛炸得熱辣辣即食非常好味!
之後再點幾個火鍋料,中意食咩就叫咩啦!
我地8個人一條魚唔夠喉,所以叫左兩條。
食完仲有糖水送,南瓜西米露,正啊!
呢間酒樓因為位於工業區,所以食既人唔算多,環境相比其他酒樓安靜許多。
餐廳位於觀塘成業街11-13號華成工商中心地下2號舖。
觀塘地鐵站B出口,沿觀塘廣場走第一個燈位左邊,不用過對面馬路,直馬2分鐘即到。
(已結業)百味王火鍋酒家
「吞pot雞煲。住家菜」
潮福蒸氣火鍋(深水埗店)
澳門台山水佬榮火鍋專家
鍋心 Dimsum & Hotpot Specialists
美滋鍋
同人鍋
菜菜鍋 Shabu Sai