今日喺香港仔海濱公園舉行嘅首屆大型漁墟, 名為漁民大笪地, 現在正值休漁期, 有多個漁民攤檔售賣本地海鮮, 加工海產, 漁家小食同各式紀念品, 非常熱鬧, 行完漁民大笪地之後仲可以搭街渡過鴨脷州行吓食吓野, 此行收獲豐富, 又食又買真開心.
漁民大笪地入口位於香港仔海濱公園.
漁民大笪地分濕貨,乾貨同小食區.
濕貨售賣本地海鮮, 色彩鮮明有光澤, 超新鮮.
巨型生猛鮑魚同各種海螺海貝.
白花鱸魚, 花膠夠滋補.
小食區有漁家小食售賣, 自家製手打鮫魚餅, 好吸引, 一定要試吓.
試左煎鮫魚餅($10), 香口軟熟, 魚鮮味足, 正斗.
蝦醬煮吊桶($10), 原隻食原汁原味, 入口鹹香惹味, 超級鮮味.
買左一枝蜑家人飲嘅糖水, 大苔白豆糖水($15), 清涼好味唔太甜, 大苔白豆意米口感好豐富, 好有風味.
乾貨檔口以售賣各式各樣海味為主, 魚乾蝦乾花膠紫菜樣樣齊.
呢檔有自家製多款鹹魚,魚乾同馬友鹹鮮.
都係自家製馬友鹹鮮比較吸引, 鮮香味撲鼻.
戰利品 - 馬友鹹鮮($60), 熟地寶粉($60).
行過見到有間香港仔漁人碼頭, 應該尚未開張, 門口有賣海味同活鮑魚售賣.
香港仔海濱公園鄰近就係香港仔漁市場,
香港仔街渡, 每程$2就可以到鴨脷州.
唔洗2分鐘就到, 鴨脷州海濱公園.
鴨脷州海濱公園望番去香港仔原來真係好近.
鴨脷州大街都有地檔售賣海鮮, 平靚正.
又到醫肚時間, 呢間"一品食棧"有漁民食堂之稱, 一於試吓.
午市套餐超抵食, 奉送老火湯, 老黃瓜煲豬骨, 火喉十足.
豉椒鮮魷飯($43) - 魷魚超新鮮, 入口軟熟鮮味.
灼生菜($22), 生菜爽脆, 秘制豉油超好味.
蜑家蒸米粉($40), 材料豐富, 蝦米肉絲魷魚蝦仁與米粉一齊蒸, 再淋上熱辣辣香蔥豉油, 香鮮惹味, 滋味無窮, 非常地道嘅食品.
食完飯再到鴨脷州街市行吓.
太多海鮮選擇唔知點揀, 最後喺呢檔買左隻壹斤九兩重嘅大肉蟹($140/斤).
買完野搭街渡返香港仔海濱公園, 然後坐小巴回家去也.
是日晚餐主打 - 泰式紅咖哩炒大肉蟹.
泰式紅咖哩香辣惹味, 加入椰子汁同大量車厘茄薯仔可以中和辛辣味, 蟹肉充實鮮味澎湃, 超巨型大蟹拑啖啖肉, 法國軟麵包蘸咖哩汁食, 滋味無懈可擊.
是日晚餐 - 泰式紅咖哩炒大肉蟹 + 曰本生菜煙肉沙律.
瀏覽人數 :
感謝 大力 提供以上資料
大力的網誌: http://www.daileghk.com/