今年平安夜大餐一如以往在家裏自家製造, 所以大部份食材要喺前一天四處搜購, 三文魚子醬油漬同亞拉斯加雪場蟹腳仲喺日本訂購空運到港, 衹留鮮活海產如生蠔及大蜆等要在今天購買, 雖然公司今日無得放早, 但喺公司樓下嘅City Super 買大蜆, 同家裏附近買平靚正嘅生蠔都好方便. 今年比去年少做了一道湯, 但已經飽到食唔落甜品喇.
![]()
意大利ROSE - Extra Dry, 有陣陣紅槡梅香味, 凍飲好開胃, 係食生蠔嘅良伴.
![]()
日本熊本Kunomoto 生蠔 - 細細隻, 入口清甜, 蠔味較淡.
![]()
法國Gillardeau Speciales 生蠔 - 口感爽脆金屬味濃郁, 鹹香中帶出鮮甜回甘味, 加埋Rose令人回味無窮, 生蠔中嘅極品.
![]()
青瓜條配Cod Roe Dipping Sauce - 清新開胃嘅小食.
![]()
橄欖油焗車厘茄 - 軟熟多汁, 清甜可口.
![]()
意大利San Daniele Prosciutto Ham - 香腍軟熟肉味濃, 鹹香好味.
磨菇雞肝醬 - 軟滑甘香, 配麵包一流.
蕃茄乾 - Semi-dried, 茄香味濃郁.
橄欖同藍芝士 - 送酒佳品.
曰本三文魚子醬油漬 - 油潤豐膄, 鹹香鮮味, 一枝棒也.
![]()
燒烤拼盤 - 亞拉斯加雪場蟹腳, 澳洲和牛西冷, 美國Manila大蜆, 磨菇, 銀杏, 露筍, 非常豐富.
![]()
燒亞拉斯加雪場蟹腳 - 巨型蟹腳啖啖肉, 入口爽甜多汁, 鮮甜無比, 天下無敵.
![]()
燒美國Manila大蜆+銀杏 - 原隻燒大蜆原汁原味, 蜆肉鮮味, 軟熟多汁, 勁正. 燒銀杏就記住要除芯先食.
![]()
燒澳洲和牛西冷 - 燒烤乃食和牛嘅最佳方法, 西冷切粒燒超黎好方便, 六面略烤可以鎖住肉汁, 入口香腍軟熟鬆化, 肉汁豐膄肉味濃郁, 略加海鹽就能吊出牛肉鮮味, 人間極品.
Kolner Christ Stollen + Haagen-Dazs Vanilla Ice-Cream + Mixed Berries Sauce德國聖誕布甸伴雲里那雪糕雜梅果醬汁 - 充滿濃厚聖誕氣氛嘅甜品, 自家製雜梅果醬汁色香味俱全.
瀏覽人數 :
感謝 大力 提供以上資料
大力的網誌: http://www.daileghk.com/
