0

杭州中秋4天遊 (Day 3)

大力 於 2011-09-12 00:00:00 發表  |  累積瀏覽 581

分類:水上活動 長線旅遊 餐廳 特色景點 ;地區:中國
Day 3 西湖



  
尋朝因為時間怱怱唔能夠慢慢嘆早餐, 今朝一早起身就到餐廳去食番夠本.






   
Sofitel嘅自助早餐食品都幾豐富, 中西日式都齊, 仲有地道特色小食.




   
天台露天環境開揚, 面對西湖, 風景超靚.



  
今曰定左全日西湖遊,  先黎過指定動作, 二人包船喺西湖泛舟(RMB360).



  
西湖十景"柳浪聞鶯"


  
跟住直到西湖中心嘅小瀛洲, 想睇三潭印月就要坐大船上島, 祗可以喺島上遠望.

 
我地坐小形遙擼船就可以超近距離欣賞, 西湖十景"三潭印月"




泛舟完畢就上岸, 船家介紹岸邊有間珍珠專門店可參觀, 我地當然唔會入去啦, 就繼續向雷峰塔方向行.

   
行左一陣都冇嘜野睇同有點疲倦, 見有架電瓶車駛緊黎仲有位添, 二話不說就上去坐左先講, 直去斷橋. 坐車遊西湖舒服得多呢.


 
原本諗住喺斷橋落車行吓白堤同斷橋殘雪, 不過見到咁人山人海嘅場面, 驚住一陣冇電瓶車走人, 唯有放棄, 一直坐過去湖濱路.


湖濱路地上有個浙江省地形圖嘅地上雕刻品幾特別.



  
行左一陣湖濱路, 早早地就想去外婆家食左飯先, 點知去到已經勁多人等, 都唔知要等幾耐, 所以就轉到另一主打點心嘅百年老店"知味觀".


  
樓下自助形式, 環境一般同幾混亂.



   
我地一於上二樓.



   
叫左全部都係地道傳統杭州食品.


 
知味觀 - 龍井(RMB10), 茶香好飲.

 
知味觀 - 吳山酥油餅(RMB3), 蘸桂花糖霜食, 入口香甜酥軟.


  
知味觀 - 貓耳朵(RMB10), 用青豆火腿筍片同雞肉煮湯, 加入灼熟左貓耳形嘅疙瘩, 就成為一碗湯鮮味美嘅傳統杭州麵食.


 
知味觀 - 荷塘小炒(RMB32), 地產地食, 特別清爽好味.


  
知味觀 - 蟹黃小籠(RMB58), 一入口就有股香濃嘅蟹黃鮮味湧出黎, 一流.


   
知味觀 - 三鮮燒賣(RMB12), 豬肉蝦肉同雞肉餡料超豐富, 好有口感.



  
知味觀 - 西湖蒓菜湯(RMB28), 用左西湖出產嘅蒓菜, 加入雞絲同火腿絲煮成嘅清湯, 湯底比較稠身, 香滑潤喉好好飲.




  
全西湖最熱鬧嘅購物街就係湖濱路一帶, 呢度名牌百貨店林立.

 
  
荷花盛開嘅一段湖濱路小徑.


   
行完九曲十三灣嘅小橋小徑, 跟住就到西湖天地, 我地喺哈根迪斯坐低抖吓.



  
原本諗住黎食雪糕月餅, 不過已經賣晒. 呢款叫愛情夢之舟(RMB79), 個名好靚, 其實即香蕉船也.



  
西湖天地傍嘅古湧金門同湧金池.




   
下午返回酒店稍事休息後, 再度出發, 景點之一"金牛出水"




 西湖十景"雷峰タ照"





勁多人嘅蘇堤.





  
再到白堤同西冷橋一遊, 即西湖十景嘅"斷橋殘雪".





  
白堤兩傍湖邊嘅風景勁靚, 條路比蘇堤寬闊更加好行, 感覺份外清爽.



 
行完白堤搭番電瓶車返西湖天地.





 
黄昏時份再出發到湖濱路, 沿路行去凱悅酒店食晚飯. 途中見到個天好清同個鹹蛋黃好吸引, 令每個時刻都構成一幅幅靚絕嘅日落西湖.




今晚中秋節, 一早在香港已經訂左喺西湖凱悅酒店嘅"湖濱28"食晚飯.


 
湖濱28嘅環境優雅同舒服.



 湖濱28 - 西湖啤酒(RMB32), 冰凍好飲, 夠酒味.



 湖濱28 - 西湖蜻蜓(RMB55), 好特別嘅中式雞尾酒. 入口濃烈.




 
湖濱28 - 酸豆角, 爽口醒胃嘅前菜.



湖濱28 - 香醇鵝肝(RMB138), 入口軟滑甘香慢慢地溶化, 之後再滲出酒香味, 回甘味香濃, 天下無敵嘅豐腴味道.


  
湖濱28 - 牛肉芝麻拉皮(RMB48), 自家制芝麻拉皮口感特別爽滑, 牛肉味香濃, 蘸上滋味芝麻醬伴食, 超味美.



  
湖濱28 - 龍井蝦仁(RMB238), 新鮮河蝦肉鮮爽滑有蝦味, 加埋清香嘅龍井有劃龍點精之效, 必食嘅招牌杭幫菜.



 
湖濱28 - 蟹粉獅子頭(RMB38), 獅子頭香滑軟綿綿, 湯清味鮮甜, 做得極出色.


 
湖濱28 - 蜜汁火方(RMB68), 蜜汁火腿肉味香濃甜美, 入口鬆化, 新鮮蓮子爽脆, 炸響鈴鬆脆無比, 用荷葉餅包住食, 口感豐富冇得彈.


  
湖濱28 - 蔥包檜(RMB28), 薄餅包住油炸鬼同蔥段再乾烤成, 香口有特色嘅地道小食.



  
湖濱28 - 菜肉燒餅, 熱辣辣鹹香惹味.



 
湖濱28 - 招牌黄魚麵(RMB88), 即叫即做, 黄魚骨腩熬煮成嘅湯香鮮濃滑稠口, 黄魚肉起片後煎得外脆內嫩, 魚鮮味十足, 令到爽滑嘅手打麵, 好食到冇朋友. 


  
湖濱28 - 茉莉Tiramisu+桂花雪糕(RMB48), 桂花雪糕清香唔太甜, Tiramisu香滑軟綿帶有茉莉花茶香, 作為晚餐嘅完美句號.






  晚上嘅湖濱路有音樂噴泉表演, 吸引左大批遊人睇.




可以見到遠遠正在表演中嘅"印象西湖"




   
今晚中秋嘅月亮真係又大又圓, 特別名亮.

 
返酒店發現房間內有盒酒店送嘅Sofitel中秋月餅, 真開心.





瀏覽人數 :

無料カウンター





















































感謝 大力 提供以上資料

大力的網誌: http://www.daileghk.com/

鐘意SeeWide的分享,給我們一個Like吧!
  • 攻略日期:N/A
    攻略地點:中國
  • 攻略時間:1日以上
    是次消費:N/A
0人比"掂"

最多能輸入300字

高級探險員

累積瀏覽 294700

全部攻略 332

全部回應 21