0

杭州中秋4天遊 (Day 1)

大力 於 2011-09-10 00:00:00 發表  |  累積瀏覽 636

分類:長線旅遊 餐廳 特色景點 ;地區:中國


今年中秋決定請一日假, 頭尾4日就可以整番個簡單輕鬆嘅休聞假期, 最後揀左去杭州, 杭州被評為全球十大最佳居住嘅城市之一, 西湖同西溪嘅景色真係好靚, 新舊十景都各有特色, 喺獅峰山下嘅一大片龍井茶園更加令人好舒服同心曠神怡. 新舊杭幫菜同地道嘅包點麵食就更加令人回味無窮. 搭港龍早去午返時間充足, 酒店就喺西湖傍嘅Sofitel, 去西湖天地衹須2分鍾超方便, 10分鍾行到去吳山廣場同清河坊.依家人仔滙率越黎越高, 已經去到@1RMB=1.23HKD, 今次仲發現左一件非常有趣嘅事, 就係杭州人過中秋節係唔會玩燈籠架!

 
Day 1 香港 - 杭州 - 吳山廣場- 清河坊 - 西湖



搭港龍早去午返時間勁正.

  
港龍飛機餐 - 剛加左有地道港式點心嘅飛機餐, 合晒香港人口味, So Good.


 
西湖Sofitel酒店, 位於西湖傍邊, 去西湖天地衹須2分鍾, 超方




  
房間電梯傍已有西湖十景之一嘅詩畫, 柳浪聞鶯




酒店房間寬敞, 衹係窗外就冇嘜景.





西湖十景之一, 吳山天風





   
由吳山廣場一直至清河坊係西湖東區最繁華嘅地段, 百年老店多不勝數





傳統定勝糕



 
小數文族飾品店, 七彩繽紛.






最受小朋友歡迎嘅即拉糖晝.




即炒即入罐嘅杭州龍井茶



 
清河坊嘅太極茶道苑, 加水表演嘅動作令人嘆為觀止.

 
 
即做花生糖, 行過聞到已經好香.
 


 
好有趣嘅拉皮片.
 


 
關公木刻, 好細緻.

 
  
1649年創立嘅方回春堂, 係杭州中藥六大家之一.

 




 
天下第一劍, 店內寶劍多蘿蘿, 但唔知有幾多人會買呢 ?
 



行到清河坊盡頭就係狀元館, 建於清同治十年(1871年)嘅著名杭州麵館, 醫吓肚先.



 
樓高三層, 我地食麵就安排坐樓下.
 



 
喺櫃檯買完票就座埋位等食.



 
狀元館 - 火腿蝦仁麵(RMB20), 湯底香甜,  蝦仁爽滑, 火腿鹹香好味, 優質.




狀元館 - 蝦爆鱔麵(RMB35), 湯底香鮮味濃郁, 膠質豐富, 黃鱔惹味非常, 勁正.
 


 
食飽飽後回程返酒店.






清河坊小食街, 好多地道小食, 但地方好狹窄.
 



萬隆火腿店, 建於清同治十年(1871年)嘅著名金華火腿店.
 




鹹香惹味嘅金華火腿, 原隻同切件買都得.
 


   
景陽觀醬菜店, 1907年開業, 全國四大醬菜店之一.
 



   
有齊各式各樣嘅醬菜.



   
返酒店途中, 行經有間喺地庫嘅超市(City Life), 類似我地嘅City Super.

 

   
回酒店小睡片刻, 就出西湖行吓.
 


  
行左一陣就去樓外樓食飯, 原來唔可以搭搖櫓船, 祗有搭電瓶車, 兩個站每人RMB20, 大約半粒鍾就到.

 



襯住唔係太多人, 未到6點就入去食左飯先, 樓下同ニ樓都要等位, 緊係上二樓等好D, 沿樓梯行上去有好靚嘅木刻雕塑.
 




户外環境勁正, 不過要等好耐.
 



坐室內好快就有位啦.
 


  
樓外樓-西湖龍井茶(RMB7), 清香好飲.
 


  
樓外樓-宋嫂魚羹(RMB19.60), 魚肉鮮嫩軟熟, 湯底微微嘅酸味更能帶出魚鮮味, 優質好味.
 


  
樓外樓-東坡燜肉(RMB18.80), 用冰糖醬油熬煮得非常鬆軟, 入口鬆化而不油膩, 高水準.
 


  
樓外樓-三鮮燴魚圓(RMB52), 魚圓軟綿滑溜, 加埋火腿蝦仁魚肚就鮮上加鮮, 色香味全, 勁正.



   
樓外樓-叫化童雞(RMB158), 上枱已經香噴噴, 荷葉,菇菌,香蔥同梅乾菜嘅精華全滲入雞肉內, 骨軟肉香嫩, 做得非常出色.




 
食完向孤山方向行左一陣冇野睇, 返轉頭喺樓外樓門口打的返酒店.

 



  
今晚西湖天地已經好有中秋節氣紛.




西湖湧金門 - 水滸傳英雄, (浪裏白條)張順, 乃宋江攻打杭州時大破湧金門嘅英雄.

 

瀏覽人數 :

無料カウンター











































感謝 大力 提供以上資料

大力的網誌: http://www.daileghk.com/

鐘意SeeWide的分享,給我們一個Like吧!
  • 攻略日期:N/A
    攻略地點:中國
  • 攻略時間:1日以上
    是次消費:N/A
0人比"掂"

最多能輸入300字

高級探險員

累積瀏覽 379099

全部攻略 332

全部回應 21