探險家攻略 > 城中探秘 / 旅遊 / 美食之旅 > 特色景點 / 古蹟 / 其他 / 長線旅遊 / 餐廳 > 關西大阪福井白川京都五天自駕遊 (II)

關西大阪福井白川京都五天自駕遊 (II)

由大力於 2010-02-14 00:00:00 發表 | 累積瀏覽 917

分類：長線旅遊餐廳特色景點古蹟其他；地區：日本

Day 2[下] (14-Feb-10) 望洋樓

望洋樓(￥110,000) - 有百卅幾年歷史, 沿海而建, 每間房都可以見到海景. 我地今次入往露天風呂付客室(即房內有私人露天風呂), 一泊兩食加皇室獻上級別嘅活越前蟹(衹在11月6日至3月31日供應), 收費雖然貴左D但絕對係物有所值.

酒店大堂都有無敵海景.

Welcome Food - 抹茶 + 紅豆糕

房間好闊落有20叠, 早晚兩餐都可以在房間內攪掂, 用餐同瞓覺時間都有專人同你安排, 夠晒貼身服務.

可能係虎年新加嘅小擺設.

露台同私人風呂都可以對正無敵大海景, 靚絕.

先到大浴場浸浸, 原來冇人, 可以影番張相.

浸住露天風呂睇日落, 一流.

晚飯前可以飲杯茶, 食件紅豆糕 relax 吓先.

今晚嘅情人節餐單, 唔洗追加都巳經夠晒豐富.

食前酒 - 黑龍重山, 個酒杯都幾特別, D酒甘甜香醇好好飲(可惜少左D), 好在我地買多枝越前花水仙大吟釀.

先付 - 菜花辛子同和煮豆.

先付 - 筍不身和之, 好清爽.

八寸 - 海參,大蝦,魷魚仔,山椒沙甸,蛋,蠶豆同芽甘草, 細細件好精緻.

蟹真丈 - 即蟹肉球海帶清湯.

剌身 - 有海膽,Toro同鯛魚, 加埋即磨Wasabi, 超新鮮甘甜.

活造魷魚素麵, D鬚仲喺度郁吓郁吓, 入口鮮夾爽.

越前蟹腳剌身, 清爽滑溜鮮味, 口感一流.

炭燒越前蟹, 炭燒比刺身更加鮮甜, 香口好味.

炭燒越前蟹蓋, D蟹膏勁甘甜, 香滑惹味.

凍手打蕎麥麵, refresh 吓先.

茹蟹 - 輪到主角出場啦! 煮皇室獻上級別嘅活越前蟹, 有黑付子同黃介子認證, 超過 1.6kg重, 見到好感動呀.

越前蟹肉鮮甜細膩, 一拆蟹腳巳經同我太太前臂一樣長, 啖啖肉食半隻都好飽.

蟹膏軟滑甘香比美大閘蟹, 留番D一陣用黎撈蟹肉釜飯就更加係絕配.

未煮之前要先用魚湯同蟹肉浸透D米.

蟹肉釜飯, 好大個釜飯煲呀!

蟹肉釜飯, 清鮮好味道.

甜品拼盤 - 三國の鹽雪糕, 南瓜蓉凍, 草梅忌廉.

食完好快就有人入黎收拾同 set 塌塌米喇.

夜晚就可以浸私人露天風呂, 情人節嘆吓情侶鴛鴦浴

Day 3(15-Feb-10) 三國漁市場 - 白川鄉 - 京都 - 寺盯通

朝早起左身就有專人同你 set 好份非常豐富嘅溫泉早餐, 見到個陣容巳經都好開心.

望洋樓早餐 - 吞那魚大和芋, 鮮甜滑溜.

望洋樓早餐 - 清爽嘅野菜沙律.

望洋樓早餐 - 昆布海草 + 香甜軟熟嘅燒蛋卷 + 山椒魚仔

望洋樓早餐 - 菠菜 + 好惹味嘅鹽辛 + 鮮甜爽口嘅鯛魚刺身.

望洋樓早餐 - 燒若狹平目魚一夜干(皮香肉嫩) + 燒青花魚(鮮香鬆化)

望洋樓早餐 - 原桶豆腐, 香滑軟熟好似豆腐腦.

望洋樓早餐 - 清爽開胃爽漬物.

望洋樓早餐 - 生果係食落清爽似梨嘅蘋果, 清甜多汁.

食完早餐後又可以再浸吓露天風呂, 真爽癮. 之後就要 check out 啦.

三國漁市場, 大部份漁船都早出午歸, 昨天下午好熱鬧, 今早就冷清清.

三國漁市場對面就係三國港驛火車站, 好有懷舊 feel. 跟住Set 好 GPS, 143km去白川鄉, 行東海北陸自動車道(￥3,100)都要2粒半鐘架.

白川鄉荻町合掌造り集落, 巳經列入為世界文化遺產.

合掌造リ民家園 - 可惜有雨又有雪, 冇嘜心機行.

過左呢條吊橋 "であい橋" 就係白川鄉內最埶熱鬧嘅國道165.

"であい橋" - 其實係一條好穩固嘅水泥橋.

白川街道(國道165)- 白川鄉內最熱鬧, 兩旁係各式各樣嘅土產店及食店.

回程見到遠遠嘅雪山同樹林, 好似一幅水墨畫咁靚.

想去荻町展望台, 途中見到D積雪好厚.

點知去展望台嘅路已經封左, 好失望.

還好最後搵到食飛驒牛嘅專門店 "飛驒牛食べ處"

飛驒牛食べ處 - 朴葉味噌飛驒牛肉燒(￥1,000), 朴葉係岐阜縣嘅特產, 好味嘅地道菜式.

飛驒牛食べ處 - 飛驒牛力ルピ鄉御膳(￥2,500)

飛驒牛食べ處 - 沙律.

飛驒牛食べ處 -飛驒牛肉茶泡飯, 原來係同另上嘅清湯, 香葉 + Wasabi一齊食架.

飛驒牛食べ處 - 飛驒牛肉燒烤, 加少少鹽食就肉嫩甘香, 油份充足, 確係正斗.

跟住離開白川鄉, 向尾站京都, 由東海北陸自動車道轉名神高速道路(￥6,100)成274km要揸4粒鐘車, 途中有D眼瞓, 要到中途站飲杯咖啡抖一抖, 食埋呢款地道食品"五平餅"(￥250), 好似燒米糕加D醬油, 一般而巳.

睌上七時至到達綿善旅館, 呢幅相係第2朝影架, 鄰近就係錦市場同四条河原町, 地點超方便, 每日租金連早餐(￥14,700)+泊車(￥2,000), 連住兩日認真舒服.

綿善旅館 - 和式客房, 有10叠, 尚算闊落.

京都寺町通 - 全天候嘅購物街, 人來人往好熱鬧.

行左一陣要醫肚, 就到早一日已經 book 定嘅三嶋亭, 係百年老牌名店, 明治6年(1873年)創業, 專做頂級霜降和牛壽喜燒, 高島屋百貨都有佢地嘅精肉專門店.

三嶋亭 - 我地叫左每位￥12,705/160g 嘅壽喜燒, 一共有五大片.

三嶋亭 - 免治和牛肉乾, 餸酒餸飯都一流.

三嶋亭嘅頂級霜降和牛, D霜降雪花紋好似模型咁靚.

三嶋亭霜降和牛壽喜燒 - 乾鑊上灑少許糖, 放下牛肉微烤兩面然後落D醬油烤多陣就食得, 甘香嫩滑鮮美, 食第一片巳經係人間極品.

第2~3片, 4~5片都係同配菜一齊煮, 女師傅手法熟練, 祗落少許糖同醬油, 並非一般 Sukiyaki, 好正宗嘅壽喜燒, 食5片已經非常滿足, 真係大開眼界.

三嶋亭霜降和牛壽喜燒 + 日本蛋汁 + 免治和牛肉乾碎 = 世間最美味嘅飯

三嶋亭 - 飯後生果, 溫室蜜瓜同橙, 香甜多汁.

因為今日揸左7粒幾鍾車有D累啦, 聽日仲有大把行程所以想早D瞓, 食完三嶋亭就返酒店大浴場洗白白. 喺Lawson買左D睡前生果, 和歌山柑(￥105), 軟熟多汁好味道.

瀏覽人數 :

感謝大力提供以上資料

大力的網誌: http://www.daileghk.com/

鐘意SeeWide的分享，給我們一個Like吧！

檢舉

攻略日期：N/A

攻略地點：日本
攻略時間：1日以上

是次消費：N/A

共0人比"掂"

大力

高級探險員

簡介：大力為食Blog

15 京川滬杭菜

0 泰國菜館

1 清真

14 港式地道食品

5 潮州菜

0 米芝蓮

2 素食

13 美英菜

2 西班牙

0 鐵板燒

3 韓國菜

3 法國菜

13 東南亞菜

0 杭州菜

4 印巴菜

16 大力健行

14 大力大大食

6 大力小玩具

16 大力私房菜

105 大力遊記

49 廣東菜

1 德國菜

11 意大利菜

32 日本菜

0 魚樂無窮

4 2017: 2
04月; 2
01月

25 2016: 8
12月; 2
11月; 1
10月; 1
09月; 2
08月; 1
07月; 2
06月; 4
05月; 1
04月; 3
02月

27 2015: 7
12月; 2
11月; 2
10月; 4
09月; 1
06月; 2
05月; 5
04月; 1
03月; 3
01月

32 2014: 8
12月; 1
10月; 2
09月; 3
08月; 2
07月; 1
06月; 2
05月; 5
04月; 7
02月; 1
01月

26 2013: 1
12月; 3
11月; 1
10月; 5
09月; 1
08月; 2
07月; 4
06月; 1
04月; 8
02月

30 2012: 2
12月; 3
10月; 5
09月; 3
08月; 2
06月; 2
05月; 6
04月; 2
02月; 5
01月

32 2011: 3
12月; 3
11月; 2
10月; 4
09月; 3
08月; 3
07月; 3
06月; 1
05月; 4
04月; 1
03月; 4
02月; 1
01月

41 2010: 4
12月; 2
11月; 1
10月; 4
09月; 3
08月; 6
07月; 4
06月; 5
05月; 3
04月; 2
03月; 4
02月; 3
01月

38 2009: 4
12月; 1
11月; 5
10月; 7
09月; 6
08月; 7
07月; 5
05月; 1
04月; 2
01月

61 2008: 3
12月; 1
11月; 3
10月; 5
09月; 3
08月; 3
07月; 6
06月; 6
05月; 6
04月; 7
03月; 6
02月; 12
01月

16 2007: 8
12月; 5
11月; 3
10月

累積瀏覽 380943

全部攻略 332

全部回應 21