0

吉隆坡4日自由行

大力 於 2010-11-14 00:00:00 發表  |  累積瀏覽 873

分類:長線旅遊 餐廳 特色景點 其他 ;地區:吉隆坡
大半年前喺網上book到AirAsia HK$70機票去吉隆坡, 於是就plan左個4日3夜行程, 睌去午返實得兩日, 所以主打係食共Hea, 酒店揀左好耐先揀到呢間喺雙子塔KLCC商場隔離嘅文華東方酒店, 因為地點方便同泳池開揚可以喺度慢慢Hea, Check In 先知 upgrade左公園同雙子塔景, 仲包埋自助早餐, 比原價平RM230壹睌, 超開心. 睌上八點半機出發, 去到出埋機場已經零晨一點, 即刻打的出酒店, 約45分鐘車程收費RM111.




酒店房間夠哂大同好舒適. 不過咩都唔理啦, 第一時間叫 Room Service 醫肚先, 好在酒店24小時都有 Room Service, 超方便.





Mee Mamak(RM30), 類似福建炒麵, 材料有魚片,魷魚,蝦同雞肉, 仲加上用豬油渣炒, 夠哂香口惹味.





牛肉沙爹(RM25), 天然牛肉嘅口感同味道, 喺香港已經食唔到. 青芒沙律蝦片同飯糕粒伴埋大碗沙爹醬, 令到簡單嘅沙爹都非常豐富, 超正.








第朝起身原來落緊雨, 落大堂餐廳食左早餐先算. 自助早餐超豐富, 中西日馬拉式嘅都有, 而且仲好好味, 以下係3朝所食嘅總結.








生果都有10款選擇, 5款果汁樣樣都好好飲.





食完早餐上房, 欣賞吓180度落地玻璃, 有齊吉隆坡城市公園同雙子塔景, 超開揚, 勁舒服.



 

第一站先去最熱鬧嘅金三角區行行.





蔡瀾做代言人嘅FoodCourt拾號胡同都喺金三角區, 不過落去睇過係好窄同好混亂, 冇咩好感.






跟住地圖行吓, 終於揾到名店中嘅名店, 有肉骨茶王之稱嘅新峰肉骨茶.



先叫兩款清潤飲品, 雪梨水(RM2.80)+羅漢果茶(RM2.80), 清涼潤喉.






招牌肉骨茶(RM15.00), 傳統福建派做法, 材料充足, 藥材味濃郁, 同沙巴嘅新記不相百仲, 勁正.





油炸鬼(RM1.50)同蔥油飯(RM1.70)都係送肉骨茶嘅良伴.






追加多一份五層豬腩肉(RM11), 香腍肉味濃.







食完野喺有40年歷史嘅天香買左D豬肉乾手信, 再行番去金三角區嘅Starhill Gallery星同廣場, 裝修得好 grand.








跟住行埋Pavilion商場, 高檔名牌樣樣齊, 好似泰國嘅大型商場.








行完返酒店落泳池度 hea吓, 連泳池都有開揚嘅靚園景.






泳池提供冰水之外, 仲有冰提子, 透心涼.






Order左個池伴小食, 燒吞那魚沙律(RM38.00), 伴日式海草同沙律醬油, 魚肉外香脆內鮮嫩軟熟, 勁正.






另一個蟹肉沙律(RM40.00), 伴脆餅同芒果, 同樣夠清新, 如果用埋新鮮蟹肉就更好喇.






酒店嘅是日生果喺香梨, 夠爽脆.






晚間再飛的落去金三角區嘅阿羅街揾食, 好大嘅生果檔就喺街口.






整條阿羅街兩傍嘅食肆只做夜睌生意, 非常熱鬧.






行完成條阿羅街都冇咩靈感, 唯有跟書揾黃亞華食燒雞翼, 行到街尾最後一間先見到.










店舖前嘅小檔口好吸引, 一於入去開餐.






青擰話梅汁(RM3.00), 清熱好飲透心涼.






燒雞翼(RM10.00), 人手燒烤, 雞翼上塗了蜜糖同夠獨門秘方醬料, 表皮金黃香脆, 雞肉嫩滑多汁, 人間美味.






燒魔鬼魚(RM21.00), 香辣惹味, 外皮香脆, 魚肉軟滑鮮味, 滋味無窮.






炒蕃薯菜(RM10.00), 清爽好味道.






福建炒麵(RM10.00), 用左豬油渣同黑醬油黎炒, 香滑惹味, 越食越滋味.







金三角區Lot10商場門口有promotion, 星戰士兵做 Road Show.







之後返酒店隔離行吓雙子塔底層嘅Suria KLCC陽光廣場, 1998年落成88層452米高嘅雙子塔夜景都好壯觀.






行完雙子塔返酒店好方面, 衹隔一條小路, 酒店大堂都幾 grand.





11點前嘅Room Service Menu 內有海南雞飯(RM42), 食過星加坡文華酒店Chatterbox嘅海南雞飯已覺好正, 呢個更加一流, 三款醬油跟足傳統,  油飯甘香鬆軟, 雞肉味濃, 清湯換上藥材雞湯更覺香濃滋補, 10個正.








第2朝跟左過Local Tour 半日遊, 第一站去馬來國王皇宮, 原來每名馬來國王任期祗得五年.







騎兵同士衛都係遊客合照嘅對象, 任影唔嬲.







傳統馬拉涼亭.







第二個景點係國家紀念碑.







馬來西亞國花








國家紀念碑後有一個迴廊, 噴水池同埋呢個重243噸嘅青銅雕塑.








咁多樹根都係原自一裸樹, 交差複雜, 構成一幅好特別嘅圖案.







東協雕塑公園







國家回教寺內禮堂.







前國會大樓, 依家係高等法院, 夜睌著晒燈後仲更加壯觀.







獨立廣場Merdeka Square, 馬來西亞獨立日係1957年8月31日.








峇迪工房 - 峇迪即蠟染, 係馬來西亞嘅傳統手工藝, 花樣繁複.







朱古力工房 - 內有好多朱古力產品.






朱古力做嘅巨龍.







半日遊完結後就到KLCC廣場冲吓電,  黎到吉隆坡幾有名嘅 Madam Kwan開餐, 我地就覺得一般喇.







OtakOtak蕉葉燒魚餅(RM17.90) - 將魚肉混入香料同椰汁攪碎, 包在蕉葉內再放上炭火上嘅燒成, 香軟口感夠特別.







Nasi Bojari關姐三色飯(RM21.90) - 三色椰漿飯伴以亞參蝦, 仁當牛肉同炸雞腿, 好地道嘅特色菜.






蓮藕炒雜菜(RM15.80) - 材料豐富, 炒得夠清新爽脆.






C
urryLaksa咖哩喇沙(RM13.50) - 香辣惹味.








Lunch 完返酒店睡一睡之後, 到泳池 Hea 吓, 日是下午茶係Blue Cheese Beef Burger(RM42.00), 芝士香牛肉味濃, 煙肉惹味, 一啖有齊所有嘅味道, 豐富好味又爽引.






今睌第一站先去Berjaya Times Square成功時代廣場, 好地道有D似曼谷嘅MBK. 唔係太好行, 即刻轉場.






去阿羅街揾野食,  對其他店信心不大, 最後去番黃亞華食燒雞翼.






燒雞翼(RM7.50) - 同樣皮脆肉嫩滑多汁, 人間美味.







西刀魚蛋湯(RM10.00) - 馬來西亞特產西刀魚, 做出黎嘅魚蛋爽彈有魚味, 正.







雜錦沙爹(RM10.00) - 真正地道炭燒, 細細串香口滋味, 一人食廾串都冇問題.







馬拉盞炒BB豆角(RM10.00) - 香辣惹味夾爽脆.







奶油老虎蝦(RM28.00) - 鮮甜爽口嘅大蝦加上香濃嘅牛油同香葉味, 和味無窮, 好食夾抵食.







福建撈麵(RM10.00) - 都係第一次食嘅撈麵, 用炒麵嘅材料放湯炆煮, 有D似燴麵, 味道夠香口感夠滑, 非常特別.






是日生果, Mandarin Orange 介附橙與柑之間, 香甜多汁果味濃.








第三朝一早起身落去行吓吉隆坡城市公園嘅Jogging Track 跑步徑, 空氣清新好舒服. 行完返酒店食早餐, 跟住影吓相就出機場喇.







由酒店出吉隆坡機場大約45分鐘, 原來Air Asia 嘅專用機場喺國際機場嘅令外一邊, 好在我地喺途中提醒吓司機要去LCCTerminal, 如果去錯就好大鑊呢.







吉隆坡機場FoodCourt, 好多馬拉地道食物.






咖哩喇沙(RM9.90) - 湯底香辣, 魚蛋爽彈, 食過清光.






NasiLemak椰漿飯(RM6.50) - 平靚正嘅地道碟頭飯, 好味道.






吉隆坡機場, AirAsia候機室







要自已行上飛機係搭Air Asia 嘅特色.






AirAsia飛機餐-宮保雞丁飯(RM10.00), 味道都唔錯架.






戰利品




瀏覽人數 :

無料カウンター

感謝 大力 提供以上資料

大力的網誌: http://www.daileghk.com/

鐘意SeeWide的分享,給我們一個Like吧!
  • 攻略日期:N/A
    攻略地點:吉隆坡
  • 攻略時間:1日以上
    是次消費:N/A
0人比"掂"

最多能輸入300字

高級探險員

累積瀏覽 379077

全部攻略 332

全部回應 21