0

關西大阪福井白川京都五天自駕遊 (I)

大力 於 2010-02-13 00:00:00 發表  |  累積瀏覽 929

分類:餐廳 其他 特色景點 其他 ;地區:日本
自從有GPS之後, 自駕就變成了旅行嘅首選, 尢其係日本自駕遊, 安全, 乾淨, 好多好野食, 唔識日文都好易玩, 所以今個農曆年都係去日本自駕遊. 九個月前已開始做資料搜集, 第一個版本係三牛之旅, 食晒3款和牛(神户,飛驒,松), 第二個版本係瀨户大橋四國祖谷美人溫泉之旅, 之後係大阪能登金澤白川京都, 但大阪去能登車程太長, 回程機位又未確認可以留多一日, 所以到最後就係依家嘅大阪福井白川京都五天遊. 比起08年尾去北海道時, D¥由0.072到依加嘅0.087,高左2成有多, 有D肉赤. 今次主打除左睇風景(白川合掌屋, 京都寺院, 祇園同花見小路), 浸吓個室臨海露天溫泉, 就係食食食, 仲要"地產地食", 黑門市場內嘅河豚料理, 越前海岸嘅越前蟹, 高山嘅飛驒牛, 百年老店三嶋亭嘅頂級和牛壽喜燒, 京都嘅湯葉漬物和式早餐. Blog 幅所限, 要分三 part 寫, 先黎 part I.



Day 1(13-Feb-10) 香港 - 大阪關西空港 - 難波 - 黑門市場 - 道頓堀







  

年卅香港機場真係人山人海好熱鬧, 我地都預早左出機場.







國泰飛機餐, 有魚或雞肉兩款, 冇嘜驚喜.











落左機第一時間攞
車先, 地點就喺機場對面嘅商場地下.







日產1500cc, 5日4晚租金¥33,600, 由出發到回程行左954公哩都係入¥7,774油, 平均都係七毫子行1km, 試過開到150公哩都幾穩定, 都算慳油好力.





   
揸左一個鐘(53km)就到位於難波超方便嘅Namba Plaza Hotel(¥9,700), 可惜用左成半個鍾先揾到停車場(¥1,800)泊一日





  
喺酒店行去黑門市場唔洗3分鍾, 非常方便.






好彩五點鐘已到達黑門市場, 大部份店鋪仲未收.










長達600米嘅黑門市場好似大阪市民嘅廚房, 滿街都係海鮮肉類蔬菜生果同熟食壽司刺身店鋪, 好熱鬧.










喺黑門市場內嘅三平市場見到D Toro(¥1,000) 好靚, 買左喺店內食, 甘香但魚味較淡, 尚算平靚正!









市場內嘅活河豚專賣店.




 
浜籐係黑門市場幾出名食河豚嘅專門店, 店鋪面前係魚檔.








浜籐 - 店內有中文menu, 好方便, 我地就係叫左呢個¥5,000嘅"浜"河豚火窩套餐.








   
浜籐 - 熱 Sake(700), 隻杯幾靚.



浜籐 - 送酒前菜, 就係魚子帶子沙律.



浜籐 - 涼伴河豚皮, 清爽開胃.



 
浜籐 - 河豚刺身, 魚肉爽韌鮮味.






浜籐 - 河豚火窩, 食到鮮甜一梳梳嘅河豚肉.





浜籐 - 炸河豚, 香口好味道.






浜籐 - 追加一份河豚白子鹽燒(¥4,000) 香軟滑溜.










浜籐 - 河豚火窩湯底用黎做泡飯, 冇得彈.













食飽飽之後沿途可以行到去道頓堀同心齋橋, 此處正係大阪嘅icon, 最地道同最熱鬧嘅旅遊區.








   
道頓堀嘅太左衛門橋夜景, 好靚好舒服.







太左衛門橋前嘅本家大たこ, 係開業卅幾年嘅長龍店, 排左十零分鐘.





本家大たこ - 燒章魚丸(¥300-六粒), 只用新鮮八爪魚製造, 香軟好味.





行左個零鍾又要醫吓肚喇, 揀左呢間食手打蕎麥麵嘅專門店叫"信濃".





拉門入去, 全店爆滿, 好在老板娘開多張細枱比我地, 真開心!







信濃 - 雞肉蕎麥麵(600), 湯底清甜, 雞肉滑溜有雞味. 






信濃 - 天婦羅蕎麥麵(1,000), 同樣係湯清麵爽, 大蝦香口好味道.








回酒店途中黑門市場內嘅超市竟然仲未收, 入定D補給品先.






 
是日生果, 福岡士多啤梨(498), 香甜味美.




Day 2[上](14-Feb-10)
 難波 - 福井 - 越前海岸 - 東尋坊 - 望洋樓





酒店和式早餐, 雖然簡單但好味, 尤其係日本蛋撈飯.








   
呢個GPS upgrade 左好多, 又大又清楚, 仲識講英文添. Set 好GPS, 向福井方向出發, 全程要行264公哩, 有左喺北海道行龜速國道嘅經驗, 今次一定要先行名神高速再轉北陸自動車道(6,150), highway都要4粒鐘車程架.







  
沿途有多個休息站, 揀左呢個"賤ケ岳"比較大嘅, 人山人海好熱鬧, 仲有D卡通人物任人影相, 好似一個旅遊景點.










飲左杯咖啡提吓神, 製作過程有 Video 睇到晒.








鹽燒雞串(¥400)-行過見到已經流晒口水, 燒得香口好味, D雞仲幾軟滑.




 
柿葉鯛魚壽司(¥310), 好味又地道.




   
和牛薯餅(¥130), 香脆平靚正.







大約十二點半到達東尋坊荒磯遊步道.




 
呢道喺睇海岸同五或六角形嘅輝石安山岩岩柱群嘅好地方.無綫電視劇"最美麗的第
7天"也在此取景.


 
行左一陣荒磯遊步道,  就到後面嘅海鮮街同東尋坊塔.




 
兩旁好多賣海產嘅店鋪, 整條街都充滿着燒烤海鮮嘅香味.





 
午餐就喺呢間小南亭食喇, 因為有相睇同可以用手指落 order 呢.










小南亭-雜錦燒烤(1,300) - 燒烤味香濃, 尤其係榮螺, 軟熟鮮甜.



 



   
小南亭-甘蝦飯(800) - 三國漁港地產, 有綠色蝦子, 殼軟甘甜冇得頂.






呢間標榜"地產地食" 即係所賣嘅全部都係三國漁港捕獲的海產, 所以都好多名人都黎食過.






女廚師手法熟練, 尤其係燒帶子同蟹.










祇在越前海岸捕獲嘅松葉蟹, 才可叫越前蟹, 有黑付子同黃色介子作記認, 地產地食, 日本其他地區冇得食. 不過我地今晚都食皇室獻上級別嘅越前蟹, 所以呢餐為有唔食住.







  
梅貝刺身(600) - 又爽又鮮甜, 勁正.





即開生蠔(500) - 新鮮爽脆, 為蠔味較淡.







燒活元貝(500) - 即撈即燒, 鮮甜味美.










喺武田地酒買左枝獲金獎嘅越前花水仙大吟釀(¥1,800), 今晚喺望洋樓食越前蟹之用.




大約十分鐘車程就到下一站, 望洋樓啦 !!!







瀏覽人數 :



無料カウンター



感謝 大力 提供以上資料

大力的網誌: http://www.daileghk.com/

鐘意SeeWide的分享,給我們一個Like吧!
  • 攻略日期:N/A
    攻略地點:日本
  • 攻略時間:1日以上
    是次消費:N/A
0人比"掂"

最多能輸入300字

高級探險員

累積瀏覽 378979

全部攻略 332

全部回應 21