0

北海道2008-秋の自駕遊(I)

大力 於 2008-10-07 00:00:00 發表  |  累積瀏覽 1101

分類:農莊 其他 長線旅遊 餐廳 特色景點 其他 ;地區:北海道
兩次去北海道都是跟旅行團, 走馬看花般來去匆匆. 今次租車自駕遊希望可以玩得舒服同自由D. 出發前半年已着手揾資料同Book定機位, 所以可以揾到零晨機去, 晚機返, 雖然要喺東京轉機, 但頭尾兩日都有豐富嘅行程, 可以話玩足七日. 今次最印像深刻嘅就係首次到美英同富良野嘅漫長花田同拼布之路, 食物方面就有A5和牛刺身飯, 和牛SabuSabu+Sukiyaki放題, 海鮮嘅就係無添加海胆, 活牡丹蝦刺身, 活毛蟹刺身, 香滑牛奶,雪糕同埋超香甜嘅蕃茄, 赤肉蜜瓜,,巨峰提, 原來生食白粟米比熟食嘅更清甜多汁. 最好玩梗係坐熱氣球揸車啦, 車上有GPS揾路, 駕駛玩全冇難度, 仲有可以開到時速180公哩(其實上限衹可行80)行道央自動車道, 逢車過車, 超爽! 7日之內行左1,317公哩, 入油用左¥15,331, 平均HKD0.841公哩, 都唔算貴啫. Blog幅所限, 衹可分開3Part黎寫, 寫住旭川美英富良野先啦.


Day1: 香港-旭川-美英-富良野



¥日圓去個陣由0.071開始入貨至0.075, 回來時將用剩嘅唱番竟然都有0.077, 有賺.



東京羽田機場-ANA, 零晨機出發, 一上機冇食飛機餐就大覺瞓, 去到東京轉機前先去醫肚.


羽田機場-日乃出-手握壽司朝食(¥1,200), 即叫即做, 賣相精美, 好睇又好食.




羽田機場-日乃出-燒三文魚朝食(¥880), 師傅仲教我地點食納豆蛋撈飯.




東京飛旭川嘅內陸航班係冇食物供應架, 好在我地有空港便檔, 就係關西池魚押箱壽司(¥1,575), 內埋仲有昆布包住D壽司保持新鮮.




比係原定嘅攞車時間早1個半鐘頭, 係網上Book左部1,500cc嘅日產(¥35,970租足7日), GPS好好用, 揾路玩全冇難度.




2點已到達富良野食PopuraFarm嘅赤肉蜜瓜雪糕(¥1,000), 香甜蜜瓜同香滑嘅雪糕一齊食, .





PopuraFarm店肉除左有赤肉蜜瓜, 仲有富良野出產嘅農產品賣.




因為落雨嘅關係, 所以行室內景點好D. 先去行芝士工房.




有芝士試食, 墨汁同紅酒芝士就比較特別.





可以試揸牛奶.




世界各地出產嘅芝士.




芝士蛋糕食用日期太短同要冷藏, 不能買回香港. 所以買左1件藍梅芝士餅(¥115)係車上食, 香口鬆軟, 非常好味.



2站就去葡萄酒工場, 仲落緊雨.




試左3款紅白酒同1款提子汁都好好飲.




最後買左1half bottle Rose(¥520).


揸車行左一陣富良野熟習吓地形之後, 決定食埋晚飯先返酒店Check-in. 所以就先黎到富良野必定要食嘅Kumagera和牛剌身飯.




和牛刺身丼(¥Y1,980)-用北海道產嘅A5霜降雪花和牛, 入口即溶無渣, 甘香鮮味, 簡直係人間極品.




和牛肉湯(¥750)-湯底清澈, 肉味香濃, 仲有好味嘅富良野蔬菜. 食過清光.




牛油焗男爵薯仔, 用手做牛油黎焗富良野嘅男爵薯仔, 有香濃嘅薯味.





芝士豆腐, 香軟嫩滑.




烤牛肉腸, 好味道.





到酒店Check In之後, 外面仲落緊雨冇得行森の時計. 所以返上房食生果. 巨峰提(¥420)-酒香味濃毓, 果肉香甜, 食完大覺瞓.


Day 2 : 富良野-美英-旭川-美英-富良野



富良野新太子酒店-可能係全富良野最大最高個間, 剛剛仲新開埋露天溫泉添.


酒店房間好滿意, 個view仲好靚.





早上5點半就起身, 打落樓下問, 雖然好天, 但因為大風, 所以冇熱氣球坐, 有D失望.




出酒店行左一陣, 森之時計仲未開, 就返酒店食早餐.


  



自助早餐好豐富, 有香滑牛奶同乳酪, 生明太子同超甜嘅車哩茄.




Set 左GPS去富田農場, 出發啦.




富良野-富田農場





富良野-富田農場-秋天嘅薰衣草衹可在溫室內見到.






富良野-富田農場-秋之彩色花田


富良野-富田農場-花人之田


富良野-蜜瓜專門店



除左蜜瓜, 仲有其他良富野農產品賣.


赤肉蜜瓜(¥250)-香甜軟熟又多汁, 超正.




白粟米檔-用水煮五分鐘就食得, 秘訣就係落小小鹽.



白粟米(¥350)-在田上剛剛摘下來的白粟米, 即煮即食, 超新鮮同清甜多汁.



富良野-日の出公園, 沿上山嘅行人路傍都種滿鮮花.


富良野-日の出公園-可以係度行婚禮就一流啦.


富良野-日の出公園-上到山頂, 視野廣闊, 好舒服.




襯住好天, 就去埋美英嘅四季彩の丘.




去到第一眼見到, 不覺大叫了一聲, 嘩! 好大嘅花田呀,有成7公頃咁大.






美英-四季彩の丘-好漫長嘅花田呀.





美英-拼布之路-北西の丘展望公園.




美英-拼布之路-北西の丘展望公園-有紅葉睇呀!





跟住就落埋旭川, 去拉麵村醫肚先.




旭川-拉麵村內有8間拉麵店, 睇哂之後, 揀左呢間幾旺嘅庵松田, 等左一陣先有位.


旭川-拉麵村-庵松田-加大版嘅軟滑叉燒拉麵(¥1,100), 普通叉燒同軟滑叉燒都有齊, 軟滑叉燒用左2日時間製作出黎, 入口溶化, 湯底用上豬肩絞肉, 更加濃郁, 真係好出色.




美英-拼布之路-Ken & Mary之樹, 咁出名原來因為1972年日產汽車在這裡拍宣傳廣告.


美英-拼布之路-MildSeven之丘, 1977年香煙包裝盒上的主題照片.




美英-拼布之路-有如一幅一幅的拼圖.





跟住返去富良野麓鄉區嘅五郎の石屋, 21年嘅長壽日劇[來自北國]嘅拍攝場景.





富良野麓鄉區-係麵飽超人館, 裡面係冇麵包賣.




富良野麓鄉區-果醬工房



果醬工房入面有35種天然農產果醬, 任試任食, 最後都買左4樽(¥1,733).





富良野-魔女咖哩-網友大力推介嘅湯咖哩店, 真係唔錯.



富良野-魔女咖哩-CheeseSpoonCurry(¥850), 招牌菜, 選用富良野蔬菜炮製, 健康又美味.


富良野-魔女咖哩-PakistanSpoonCurry(¥1,260), 有雞肉蛋同蔬菜, 小小辣, 幾惹味.




最後過酒店行埋森の時計, 好好氣氛嘅森林小屋.



富良野-森の時計, 全部都係賣紀念品, 不過D人大都睇多過買.




行完森の時計之後就返洒店浸吓溫泉, 食吓飯團, 好好大覺瞓.



Day 2 : 富良野-札幌



5點半起身, check吓原來今日有熱氣球坐(¥4,200), 即刻飛身落去玩. 我地排第2對, 居高臨下, 好刺激好正. 玩完之後就有好多人黎等玩啦, 好在早人一步.



坐在熱氣球上, 睇到山頂嘅吊車站同環繞嘅山羣, 好壯觀.





今日嘅自助早餐仲有溫泉蛋同手做豆腐, 食飽之後Check-out 出發.



富良野-彩香の里, 睇完四季彩の丘嘅漫長花田之後, 其他花田變左冇咁吸引啦. 都係早D落札幌啦.


去扎幌之前再去蜜瓜專門店食番件赤肉蜜瓜先走.



富良野物產專賣店有哂大部份富良野嘅特產賣, 係我地在富良野嘅尾站, 跟着向扎幌出發.


瀏覽人數 :

無料カウンター



















































感謝 大力 提供以上資料

大力的網誌: http://www.daileghk.com/

鐘意SeeWide的分享,給我們一個Like吧!
  • 攻略日期:N/A
    攻略地點:北海道
  • 攻略時間:1日以上
    是次消費:N/A
0人比"掂"

最多能輸入300字

高級探險員

累積瀏覽 379058

全部攻略 332

全部回應 21